استفزنى , خبر

خبر استفزنى

الخبر دا استفزنى اوى من على موقع الاخوان المسلمين

الخبر دا كان على موقع الاخوان المسلمين
شفته امبارح وعملتله تشير عالفيسبوك

جيت انهاردة احطه كانوا لغوا الرابط اكيد لانهم عرفوا ان اسلوبهم دا دنىء

الموضوع كان بعنوان حملة مشبوهة للترويض لرفض التعديلات

وبيقولوا فيه ان تم اقامة احدى الندوات وتبين انها حملة مشبوهة بتمويل امريكى

بصراحة الخبر استفزنى جدا

ودا كان تعليقى عليها

اتهامات من غير دليل وهى دى الديموقراطية اللى احنا نتمناها
فين احترام الراى والراى الاخر
وبعدين منتو اللى مغرقين مصر بالبوسترات والمنشورات بتدعوهم يقولوا نعم زيكم وقايدين حملة لنقول نعم
مقلناش حاجة برحتكم وحقكم
ومادام اديتو لنفسكم الحق دا لازم تدوا للاخرين المخالفين لرايكم نفس الحق انهم يوصلوا صوتهم
...مش تتهموهم بانهم مشبوهين
هى دى عادتكم اى حد يخالفكم يبقى مشبوه

الخبر دا خلانى اكتر اقول لاء للتعديلات اكتر لان حسيت ان مفيش فرق بينهم وبين اسلوب الحزب الوطنى


بس اللى مضايقنى اكتر واكتر ان الناس دى قادرة انها توصل للناس فى الارياف وهتقدر تاثر عليهم بكل سهولة وتخدهم فى صفهم مع قلة المثقفين فى كثير من المناطق وممكن ياثروا عليهم بوسائل تانية

---

ofv hsjt.kn

انا مشوفتش الخبر بصراحة
ومش عايزة اشوفة عشان ميأثرش علي اختياري واحسن انه اتلغي
احنا مش عايزين حاجه تستفزنا نقوم نعمل عكس الي هما عايزينه
انا عارفة ان اختيارك لأسباب اخري مش بتكلم عليكي بس فيه ناس كتير ممكن تتأثر وده الي خايفين منه يعني انا من وجهة نظري لو الي هيروح عشان يدي صوته بكرة نازل عشان حد قاله روح اعمل كذا يبقي مينزلش احسن لانه هيتسأل عن صوته ده في الاخر و هيأثر علي نسبة النتيجة و احنا عايزين مصداقية في الموضوع وكل الاحترام و التقدير للرأين و ما زلت لم أقرر بعد

اة و نسيت اقول ان مش كل الاخوان بيقولوا نعم فيه اخوان بردو بيقولوا لا منعا للتعميم :d

الجمعيه الشرعيه عندنا فى البلد عامله ندوة اسلاميه مخصوص عشان
تقنع الناس يقولوا نعم بس بصراحه هما فسروا المواد
وقالوا رأيهم وكل واحد فينا عنده عقله الى يفكر بيه ويقدر يقتنع
ولو حد سمع حد بيقول نعم ليه
يبقى اكيد لازم يسمع الى بيول لا بيقول لا ليه
عشان مش ينحاز لكلام فئه وهو مش سمع الفئه التانيه
واولا واخيرا كل واحد يعمل الى عقله مقتنع بيه
والله الموضوع دا اكتر موضوع عايز صلاه استخاره
ربنا يقدم الى فيه الخير ويوفقنا جميعا يارب

المفروض ان الى يحصل
ان ميكنش فى ندوات تدعو لنعم ولا ندوات تدعو لا
هم يبينوا بكل حيادية فى حالة نعم هيحصل ايه وفى حالة لا هيحصل ايه

ويسيبوا الحكم لينا فى الاخر
لكن اللى بيحصل دا تاثير وسيطرة عالعقول
سواء للى بيقول نعم او اللى بيقول لا