((المرعبة)) , احكى , قصتك

احكى لنا على قصتك ((المرعبة))

بسم الله




بكل صدق

احكى لنا عن موقف :

مرعب

أو غريب

أو مالوش تفسير

أو تقشعر له الأبدان

موقف لا تصدق انك قد تعرضت له

موقف يزيد من ضربات قلبك كلما تذكرته

حقيقى و حدث لك شخصياً

ومش قصة سمعتها عن حد

لا تختصر الكتابة واعرض كل التفاصيل

كل التفاصيل

دوّر فى عقلك وأكيد هتفتكر حاجة

حقيقية

حاول تعيش اللحظة دى تانى وحولها لكتابة

واحكى لنا على قصتك


بإنتظاركم


...

---

hp;n gkh ugn rwj; ((hglvufm))

فكرة جميلة جدا يا عبد الرحمن

بس ما افتكرش انى عندى حكاية مرعبة يعى

وانا فى انتظار تفاعلات بقية الاعضاء للاستمتاع بحكاياتهم

هيا قصه افتكر انى حطتها زمااااااااااااااااااااااان لما واحد سالنى فى كرسى اعتراف زمااااان اوى عن اكتر موقف خوفك

بص يا سيدى

بقه انا كنت صوغنن

مش فاكر الصراحه مرحلتى السنيه كانت كام بس هيا فى الفتره ما بين اواخر اعدادى لاواخر الثانويه العامه

بين البينين

المهم فى احد الايام القلاائل اللى اتاخرت فيها بره " دخلت سينما حفله 9 " فطبعا الفيلم خلص على 11 ونص عقبال مروحت كانت 12 ونص او 1

المهم

جغرافيا المكان اللى انا فيه هوا مجموعه من البيوت وبعض الاراضى المفتوحه ( الزراعيه)

تقريبا معظم البيوت مربيه كلاب

والكلاب دى نفسى اشوفها الصبح

لكنى كنت وانا نايم اسمع تحركاتها فى الساعات الاولى من اى يوم

فعندنا الكلاب ما شاء الله بتنام فتره الصباح وتبدا من الساعه 10 كده الورديه بتاعتها

والكلاب ما شاء الله عارفه بعضها والملاحظ انهم بيعملوا نبطشيات

يعنى تلاقى كل مجموعه كده مسئوله عن منطقه لحمايتها تتمشى كده كدوريه الحراسه

بس طبعا لا يمنع ان الواحد يلاقى كلب او اتنين كسلانين ونايمين قدام البيوت بتاعت اصحاب الكلب

المهم

فى اليوم الموعود

وبعد اتصال مع والدتى انى جاى فى الطريق وكلها نص ساعه واوصل البيت

بدات فى التحرك فى الشارع الطويل الذى يجب ان اسير فيه حتى اصل الى البيت

فى البدايه انوه ان لدى عقده قديمه من الكلاب ساذكرها فى وقت لاحق

المهم فى بدايه سيرى لمحت احدهم يجلس فوق عتبه احد البيوت

مررت بجانبه ولكن يبدو انه شم رائحه الادرنييل الزياده اللى طلعت فى جسمى من خوفى منه

بس الصراحه كان كلب كسلان معملش غير زمجره

وساعتها قلت ربنا يستر ومبصتش ورايا لانى عارف انى لو بصيت ورايا والتقت عينانا هينتهى بيا الموقف ب 21 حقنه غير الاصابات

حمدت ربنا واكملت الطريق داعيا ربى الا اصادف هذا المخلوق مره اخرى خلال رحلتى التى اصبحت طويله الى البيت

لحظات تمر

الى ان وصلت الى احد المنعطفات فى الشارع

ارى من بعيد بسبب الضوء الخافت ظلال بعرض الشارع تتحرك فى الاتجاه المعاكس لسيرى

ايقنت انها النهايه

وفجاه
ظهروا لى

مجموعه متاكلمه من كلاب الدوريه اياهم

يسيرون بعرض الشارع

المواجهه حتميه

عددهم يقدر ب 7 كلاب

لا يجرون ولا يتكاسلون

هم فقط يقومون بعمليه تمشيط عاديه

ولكم ان تتخيلوا اى دوريه جيش بتمشط منطقه وفجاه طلع واحد من النص هيحصل فيه ايه

لم اتوقف

فانا على يقين انى لو توقفت او فكرت فى تغيير اتجاهى فستكون العواقب اسؤء

اعلم انهم الان يشمون تلك الرائحه التى لا يستطيع بنى البشر تمييزها

بدا النباح من احدهم

سقط قلبى فى تلك اللحظه

دعيت الله ان ينتهى الامر بسرعه

وفجاه

خفق قلبى فرحا

فهناك


ومن خلف تلك الكلاب


ظهر ظل طوييييييييييييييييييييييل اخرجنى من تلك الحاله التى انا بها

وتحول الخوف الى فرح

انتقلت حاله الرعب الى بهجه

فهناك ظهر هذا الشخص

لم اكترث وقتها فى معرفه كنيه او نوعه هذا الشخص

فيكفى انه من بنى البشر

وكم كنت فى اشتياق لارى احد من بنى جنسى خصوصا ان المنطقه عندنا بيناموا بدرى كلهم " فى تلك الفتره الزمنيه "

بدات اشعر ببعض الثقه وانا اتحرك تجاه الكلاب ويتحرك هذا الشخص من خلفهم باتجاهى

لحظات حتى انار ضوء المصابح وجه هذا الشخص

انه هوا

عمىىىىىىى

فيبدو ان من قلق والدتى ووالدى ارسلوا احد اعمامى ليطمئن على قدومى ليلا خصوصا انى كنت صغيرا والمنطقه كما زكرت تنام بدرى ولا احد يجزم ما قد يحدث

التقانى وقال لى لما تاخرت

لما انطق كل ما فعلته انى اخذت نفس عميقا

وحمدت الله على وصول النجده فى الوقت المناسب

والى هنا

انتهت احد قصصى المرعبه فى حياتى

وان شاء الله ربنا يدينى الصحه واحكيلكم ليه جتلى عقده من الكلاب

وكيف ان اى احد سيتعرض لما تعرضت له فلن يختلف حاله عن حالى

طفل لم يكمل السابعه

وكلب قوى

ومئتي متر من الركض

و....

ولكن

هذه قصه اخرى

قصتك صعبه اوى
بس انا معنديش قصص مرعبه

ودى جزاه اللى ميسمعشى كلمة ماما تقولها

فاهم يا مندوز

انا بقه عندى قصة هى مرعبة ساعت محصلتلى بس دلوقتى كل مبفتكرها بضحك

هى قصة صغنونه كده

صاحب العمارة اللى ساكنة فيها راجل صعيدى و زمااااااااااااااان كانوا بيحبوا يربو الخرفان يجيبوا خروفين كده ويربوهم عشان العيد بس الحمد لله مبقوش يعملوا كدا بقوا يجيبوا الخرفان قبل العيد بيوم

المهم كان عندو خروف وهو كان معود الخروف ان الصبح كده بيطلعوا ويربطوا فى الشارع
المهم هو فضل فترة مطلعهوش فلما جه يطلعوا الخروف بقه كان محبوس فطلع كان منطلق وبيجرى فى الشارع والراجل سايبه من غير ميربطه والخروف عمال ينط

المهم فى اليوم ده انا كنت نازلة الصبح بدرى اجيب عيش للسندوتشات بتاعه المدرسة رحت اجيب العيش الخروف مكنش موجود
لما رجعت كان موجود وانا صغيرة كنت متعودة ان اول لما ادخل شارعنا بنط من على رصيف معين

وانا بقه نطيت ولقيت الخروف ده ادور وبصلى باصة انا مش ناسياها لغاية دلوقتى
ولقيته بيجرى عليا
وانا اجرى وهو بيجرى ورايا فى الشارع
وماما واقفة فى البلكونة عماله تنادى على صاحب الخروف وانا بجرى وهو بيجرى ورايا لغاية اما الراجل صاحب الخروف طلع ومسكه من القرنين بتوعه

الموقف ده كل مفتكره بعد اضحك

وانا اجرى وهو بيجرى ورايا فى الشارع

ههههههههههههههههههههه مكنش بجري وراكي دا كان عايز سندوشت الجبنه بتاعك

والكلاب دى نفسى اشوفها الصبح

وايه دا يا عم ماندوز متخليك شجاع كدا يا اخي شويه ال كلاب ال

انا عندي حاجات كتييييير بس مش ينفع تتنشر
علشان الصحافه وكدا وانتوا عارفين الشهره بقي

هقوللك علي موقف يا بشمهندس بخصوص الكلاب بقي :

كنت مره رايح اصلي الفجر ورايح بقي اتمخطر وادلع
ومفيش حد ماشي بالشارع خالص

المسجد مش بعيد عن البيت اوي بالكتير 5 دقائق واوصل , المهم
ماشي بقي باصص للسماء وودماغي بالسحاب , وقبل المسجد فيه
هناك كلب ما شاء الله معتش بشوفه الوقتي

تقريبا انتحر :d اعتقد كل بتوع البلد عارفين الكلب ده ( علم علي ناس كتير )
المهم الكلب ده معروف انه بن كلب اصلا كان نايم بنص الشارع

نايم بقي فارش علي الارض سريره بقي اخر مزاج ونعسان في النوم وبحلم

وانا ال ايه بقي ماشي ودماغي بالسحاب وباصص فوق فجأه ببص قدامي
لقيت رجلي اليمين فوق بطن الكلب ( مع العلم لم تلمسه )
انا كان هيجيلي صرع :d بس الحمد لله

مسكت نفسي وبكل بروود شوفت بقي الانسان الالي وهوا بتحرك
برجع رجلي بالراحه خااااااااااااااااااااااااااالص
وروحت معدي من جمبه وماشي مرعوب :d

ثانكس يا بودي علي الموضوع .

CutE GirL

بجد شرفنى مرورك وياريت لو تفتكريلنا حاجة كده عالأد

....................

mandozzz


تقريباً الحال من بعضه فى معظم أجزاء قصتك من أول الكلاب اللى بتعمل ورديات لحد عقدة الكلاب

وصدقنى لما أقوللك انى حاسس بيك لما لقيت جيش بأكمله من الكلاب جاى ناحيتك ( قاتل نفسياً )

وده بسبب بعض المواقف الخاصة بالكلاب ( كل كلب فى البلد سلم عليا بطريقته )

وياريت تمتعنا بالقصة الأخرى اللى باين عليها لا تقل فزعاً عن الأولى


....................

الموج

برضه مجرد مرورك بدون رعب يزيدنى شرف


...................

نيجى لفجر الإسلام

انا بقه عندى قصة هى مرعبة ساعت محصلتلى بس دلوقتى كل مبفتكرها بضحك

هى قصة صغنونه كده

صاحب العمارة اللى ساكنة فيها راجل صعيدى و زمااااااااااااااان كانوا بيحبوا يربو الخرفان يجيبوا خروفين كده ويربوهم عشان العيد بس الحمد لله مبقوش يعملوا كدا بقوا يجيبوا الخرفان قبل العيد بيوم

المهم كان عندو خروف وهو كان معود الخروف ان الصبح كده بيطلعوا ويربطوا فى الشارع
المهم هو فضل فترة مطلعهوش فلما جه يطلعوا الخروف بقه كان محبوس فطلع كان منطلق وبيجرى فى الشارع والراجل سايبه من غير ميربطه والخروف عمال ينط

المهم فى اليوم ده انا كنت نازلة الصبح بدرى اجيب عيش للسندوتشات بتاعه المدرسة رحت اجيب العيش الخروف مكنش موجود
لما رجعت كان موجود وانا صغيرة كنت متعودة ان اول لما ادخل شارعنا بنط من على رصيف معين

وانا بقه نطيت ولقيت الخروف ده ادور وبصلى باصة انا مش ناسياها لغاية دلوقتى
ولقيته بيجرى عليا
وانا اجرى وهو بيجرى ورايا فى الشارع
وماما واقفة فى البلكونة عماله تنادى على صاحب الخروف وانا بجرى وهو بيجرى ورايا لغاية اما الراجل صاحب الخروف طلع ومسكه من القرنين بتوعه

الموقف ده كل مفتكره بعد اضحك

طالما الساندويتشات سليمة يبقى الدنيا لسه بخير


.................

The_boss22

وانا ال ايه بقي ماشي ودماغي بالسحاب وباصص فوق فجأه ببص قدامي
لقيت رجلي اليمين فوق بطن الكلب ( مع العلم لم تلمسه )
انا كان هيجيلي صرع :d بس الحمد لله

أنا بقالى ما يقارب 16 سنة فى الدنيا دى وعمرى ما شفت واحد بيمشى باصص للسحاب

لكن بيتهيألى بعد اللى حصل ده لا يمكن تمشى باصص للسما تانى

شكراً هشام للقصة لكن رعبها أقل من رعب ماندوززز حبة

لكنك وفقت فى وصف الموقف جداً


.................

مستنى باقى قصصكم

عايز أسمع كلمة شبح أو شكله غريب أو من عالم تانى أو ما شابه



بإنتظاركم


...

عايز أسمع كلمة شبح أو شكله غريب أو من عالم تانى أو ما شابه

الظاهر انى لسه محكتش قصتى مع الجنى اللى كلمته اللى كان قاعد فى خلفيه كرسى فى قوضه الصالون المظلمه فى احد الليالى و.............

لالالالا

انا لسه عندى قصه الكلب الاولى اللى هيا سبب العقده

لا احكيها الاول هبقى احكى قصه الجنى

بس انا جاىمن الشغل تعبان ومش قادر اكتب كتير فخلى القصه بتاعت الكلب بعدين

بس انا جاىمن الشغل تعبان ومش قادر اكتب كتير فخلى القصه بتاعت الكلب بعدين

قصديه يعني يا ولاد هيدخل ينام شوية ،مانتوا عارفين تعب الشغل واللي هيحلم بيه النهارده هيحكيه لكم
ايييييييييييييييييه انتوا لسه معرفتوش ..مش القصة الأولى كانت حلم 2020 هههههههههه
ربط الماضي وكمان عاوزه حاااااااااااااااضر...
صدقوني هوا قالي انوا حلم.^_^
ــــــــــــــــــــــــــــــــــــــــــــــــــ ــــ

طالما الساندويتشات سليمة يبقى الدنيا لسه بخير

مـــــــــــــــــــــــــــــــــا تقول انك جعان وخلاص.^_^
ــ
الخــــــــــــــــــــــوف يملأ المكان ..فتقبل مروري

بسم الله

كوابيس الليلة اللى فاتت (تخيل وانت بتقرأ)

الكابوس الأول

كنت نائم بصورة طبيعية وبعدين صحيت لقيت جنبى واحد ميت

وفجأة فتح عينيه أو بمعنى أصح "جحظت عيناه" زى ما نبيل فاروق دايماً بيقول وبص ليا (نفس النظرة اللى بتشوفها على وجه واحد أما بيخوف طفل صغير بس تخيلها على واحد ميت)

الكابوس الثانى

حلمت بإنى راكب أتوبيس أنا وزمايلى وبعدين لقينا نفسنا فى المقابر (بالليل)

خرجنا من الأتوبيس وكان الجو واقعى جداً بالنسبة لحلم

يعنى مثلاً ضباب خفيف وإضاءة متذبذبة و........... ومقابر فى كل حتة

وفجأة ظهر شخص "ما شفتش وشه" وكان ماسك رفش (البتاع الطويل اللى بيحفروا بيه ده)

ثم بدأ بتطيير الرؤوس وكنت أنا التالت

كان فيه كابوسين تانى (نفس الليلة) لكن مش فاكرهم عالعموم كفاية عليكم دول دلوقت

بكره أحكيلكم على الكوابيس اللى هشوفها لما أنام الليلادى وربنا يسهل