ارفع رأسك انتا من دكرنس..,

**MaNsHo0o0** · 2009-10-09, 10:19 PM

(أكبر جريمة في الفضاء الإلكتروني في التاريخ)

وانا قاعد دلوقتى بتفرج على التلفزيون لقيت واحد مذيع ابن حلال بيقول دكرنس...
انا الصراحه اتشديت للموضوع وقولت اسمع اشوف فى ايه
اتارى الحكايه ان دكرنس بقى فيها مواهب
وفيها شبكه هكر زى الفل
VVV
V

قررت نيابة الأموال العامة بالمنصورة، تحت إشراف المستشار أبو النصر عثمان، المحامى العام الأول لنيابات استئناف المنصورة، حبس 23 شابا 4 أيام على ذمة التحقيقات، بعد أن ألقت مباحث المعلومات والتوثيق بوزارة الداخلية القبض عليهم أمس الأول، واستمر التحقيق معهم حتى صباح اليوم، ووجهت لهم تهم السرقة وغسل الأموال والاستيلاء على أموال أحد البنوك الأمريكية (بنك أون لاين).

وعند التساءل عن

1-توقيت الكشف عن هذه الجريمة، فى حين أن هذه التحويلات تتم منذ خمس سنوات وكان باستطاعة أمريكا الكشف عنها منذ سنوات، كما أن المجموعات المتعاملة تغيرت ويوجد أفراد كونوا ثروات طائلة من هذه العمليات، إلا أنهم غير متواجدين ضمن قائمة المقبوض عليهم ولم تدرج أسماؤهم، بل إن بعضهم هاجر إلى كندا.

2- عن كيفية الإيقاع بالشبكة قال أحمد عبد الحميد يونس محامى بعض المتهمين فى قضية "القرصنة الإلكترونية": بدأت العملية منذ عام 2007 حيث استطاع مجموعة من الشباب المصريين التوصل إلى صفحات حسابات بعض البنوك الأمريكية وهى"Bank Of America"، وبنك "AOL"، وبنك "Wels Fargo"، وأرسلوا هذه الطلبات إلى عملاء تلك البنوك للتأكيد على اسم كل مستخدم وكلمة مروره، لكن من البريد الإلكترونى لهم وليس مركز خدمة عملاء البنك، وبدأوا هؤلاء العملاء فى إرسال كافة المعلومات الخاصة بحساباتهم الخاصة على البريد الإلكترونى للمتهمين، وبذلك تمكنوا من الدخول لحساباتهم الشخصية.
وأوضح أن المتهمين المصريين لجأوا للاستعانة بمجموعة من الأمريكيين فى ولايات كاليفورنيا ونيفادا ونورث كارولينا، من ضمنهم شخص يدعى "لوكاس" وفتاة تدعى "فريجينا" ويطلق عليهما فى مجال العصابات"Drop"، حيث يتم تحويل الحد الأدنى من حسابات العملاء البنكية لهما، ويتوليان بعد ذلك مهمة إرسالها إلى القاهرة عن طريق شركة "Western Union" وهناك يتسلمها أشخاص آخرون، لإيصالها للمتهمين الذين ألقى القبض عليهم وذلك مقابل نسبة تصل إلى 60%.

ومع تطور الأمور أجرى مكتب التحقيقات الفيدرالية الـ"FBI" تحريات كاملة عن الأشخاص الذين تتم نقل الأموال لهم فى أمريكا، واكتشفت أنهم ضمن مافيا قرصنة إلكترونية عالمية جمعت من هذه العملية فقط، 8 ملايين دولار فيما يقرب من 16 شهرا، وقامت بمراقبة هؤلاء الأشخاص جيداً وسجلت مكالماتهم الهاتفية مع المتهمين المصريين، وكذلك راقبت البريد الإلكترونى الخاص بهم وسجلت كافة المحادثات الإلكترونية عبر "الشات" بين الشباب المصريين والـ"Drops" الأمريكيين .
بعد ذلك أرسل مكتب التحقيقات الفيدرالية الأمريكية لوزارة الداخلية المصرية وتحديداً لإدارة البحث الجنائى، مذكرة بالتحريات الكاملة ومجموعة أسطوانات، تحمل كافة البيانات الكاملة للأشخاص الذين حول لهم الأمريكان الأموال عبر شركة "Western Union"، تضمنت أسماءهم بالكامل وأرقام هواتفهم المحمولة وعناوينهم الشخصية والأماكن التى يدخلون من خلالها على الإنترنت، وقامت أجهزة الأمن المصرية بالتحريات اللازمة وراقبت أماكن إقامة ودخول هؤلاء الشباب، وألقت القبض على 31 متهما فى الساعة السادسة من صباح أمس، 28 منهم من مركز "ديكرنس" بمحافظة الدقهلية و3 آخرين من مركز "أبو كبير" بمحافظة الشرقية جميعهم، فيما بين الـ17 والـ21 سنة، وهم فى المرحلة الجامعية، باستثناء متهم واحد يبلغ من العمر 27 عاماً، وأن هناك أحد المتهمين، طالب فى كلية التجارة جامعة المنصورة لديه امتحان تخلف فى 25 أكتوبر وطلبنا الإفراج عنه بأى ضمانة حتى يتمكن من دخول الامتحان.
ولفت يونس إلى أن وفدا من السفارة الأمريكية حضر إلى نيابة الاستئناف العالى بالمنصورة، وكان معه نسخة من تحريات مكتب التحقيقات الفيدرالية وأيضاً تقارير من وزارة العدل الأمريكية، لمتابعة التحقيقات، ورغم ذلك تم منع المحامين من الاضطلاع على نص محضر الضبط أو المضبوطات والإحراز أو مذكرة التحريات، وليس هذا فحسب بل إن عددا من المتهمين تم إجبارهم على الاعتراف والتوقيع على إقرارات مكتوبة بعد أن تعرضوا للضرب والتعذيب وللإهانات المتكررة.
وضبطت الداخلية عدد 21 جهاز كمبيوتر و8 أجهزة لاب توب 33 جهاز محمول وعدد من الكاميرات و12 خط أرضي وعدد كبير من كروت الائتمان الخاصة ببعض البنوك ودفاتر شيكات.
تتضارب الأرقام التي أعلنتها المباحث الفيدرالية وقالت إن المتهمين المصريين 47 مواطنا مع بيان وزارة الداخلية الذي أكد أنهم 23 فقط، في حين أن نيابة استئناف المنصورة بدأت أمس برئاسة المستشار أبوالنصر عثمان - المحامي العام الأول - تحقيقاتها مع 29 شابا، منهم 26من مدينة دكرنس بمحافظة الدقهلية وثلاثة من مركز أبو كبير محافظة الشرقية بعد اتهامهم بغسيل أموال تصل إلي 350 مليون جنيه وذلك بتحويلها من حسابات مواطنين من البنوك الأمريكية عن طريق الإنترنت.
*-*-*-*-*-*-*
وقالت لورا إيميللر الناطقة باسم "FBI" فى بيان لها على الموقع الإلكترونى، إن هناك تعاونا مصريا أمريكيا تم للقبض على الشبكة، وهو الأول من نوعه فى إطار ملاحقة الجرائم الإلكترونية، خاصة أن القضية قد تبدو جنائية، لكنها تمثل خطورة على الأمن القومى الأمريكى.

المصدر الرسمى
موقع F B I
Download47731

hvtu vHs; hkjh lk ];vks>>< ];vks>>

**lolemody** · 2009-10-09, 11:03 PM

صدقا رائع يامنشوا ..........

ياملك الحصريات وانا اقول انت معتش بتظهر اون لاين ليه اكيد انت كنت مشترك معاهم

بتتفرج علي t.v يا منشوا
ممكن بس تجبلي 2 مليون بس ومشاكلي كلها هتتحل

**MaNsHo0o0** · 2009-10-09, 11:07 PM

واسامى المتهمين هم :-

1-محمد مصباح حسن (18 سنة ـ الفرقة الثالثة بكلية تجارة المنصورة)
2- وأحمد أحمد صالح (22 سنةـ بكالوريوس خدمة اجتماعية)
3- وشقيقه إبراهيم أحمد صالح (23 سنة ـ بكالوريوس تجارة)
4- وأحمد محمد أبو زيد (23 سنة ـ حاصل على دبلوم صنايع)
5- وهانى محمد أحمد سمرة (25 سنةـ محامى)
6- وأسامة محمد عطية حلاوة (22 سنةـ حاصل على بكالوريوس حاسب آلى)
7- وفريد أحمد البراوى (24 سنةـ بكالوريوس تجارة)
8- ومعتز محمد جبر (23 سنةـ بكالوريوس تجارة)
9- ومحمد محمد محمود نعمة الله (22 سنةـ موظف)
10- وعادل محمد عبد اللطيف (22 سنةـ بكالوريوس تجارة)
11- وخالد حمدى الشعراوى (طالب بالفرقة الثالثة بكلية التجارة)
12- ومحمد نور حسن (الفرقة الثالثة كلية التجارة)
13- وأحمد حمدى الهوارى (طالب)
14- ومحمد إسلام وعادل علاء
15- وأحمد محمد أمين (محاسب).

دول بس اللى لقيتهم

**فجر الاسلام** · 2009-10-10, 12:29 AM

هههههههههههههههههه

اصيل يا مانشو بتسيح لولاد بلدك

ههههههههههههههه

لو بالاسامى

**beonlinenet** · 2009-10-10, 12:54 AM

بسم الله الرحمن الرحيم
السلام عليكم ورحمته الله وبركاته

تحية على دكرنس وأهلها الكلام والبلاد المجاورة البجلات ومنية النصر

**MaNsHo0o0** · 2009-10-10, 12:58 AM

ahmedzaher

اقتباس:

بتتفرج علي t.v يا منشوا

منه لله بقى اللى كان السبب ظبط الشبكه بقى يابنى حرام عليك وبطل تنفيض
شكلنا هنجيب مدير فنى اجنبى يمسك الشبكه

فجر الاسلام

اقتباس:

اصيل يا مانشو بتسيح لولاد بلدك

طبعا دا اقل واجب نعمله ليهم

منورين والله

**Sir.7amato** · 2009-10-10, 03:53 AM

مبسوط فى الجماعه دول أوى ،،
وفى واحد كمان كان نفسى يتشد إسمه ( أ - ش )
الخبر وصلنى من إبن المحامى أ/ محمد لبيب عقل
وقال إنهم حوالى 23 واحد من دكرنس الكلام ده كان حوالى الساعه 12.30

بس كويس أوى الشغل ده الإف بى آى عاملين شغل ،
المشكله الى مجننانى إنهم مش معترفين إن دى سرقه - يقولك إيه داحنا بناخد فلوس من اليهود والصهاينه
أيوه يا عم الشريف ماهى الفلوس دى مش من حقك ،،
بلا عقبال الى فى بالى ------

والله انا خايف للمباحث الفيدراليه يبعتولى ،،

أشكرك يا مانشو

**MERAMADA** · 2009-10-10, 01:28 PM

اقتباس:

بلا عقبال الى فى بالى ------

ههههههههههه
قريب ان شاء الله يا حمتو

بس حلو الشغل بتاع ال ف ب اى ده
ماهو لو مكانوش اتدخلو عمرهم ما كانو هيتمسكو
واللى انا سمعتو ومش متأكد منو ان مفيش قوانين لمعاقبه الهكرز فى مصر
يبقى هيتعاقبو ازاى؟؟

**beauty_roby** · 2009-10-13, 07:36 PM

اممممممممممممم ربنا يستر قلبى بيقوللى اننا داخلين على منعطف لا لا مش منعطف على ايام سوده ان شاء الله وف النهايه ارفعوا راسكم ياجماعه دكرنس بقت ع الخريطه والبركه فى ولاد بلدنا توت توت

**موني** · 2009-10-17, 10:06 AM

هو اية اللي عقبال اللي في بالي حرام الشماتة في الناس هما ايوة غلطنين والسرقة حرام فعلا حتي لو من يهود بس تفتكر لوكان الموضوع بالعكس كانت مصر هي اللي مسروقة من امريكا كانت مصر راحت امريكا علشان تحاكم الولاد دول هي الغلطة الاولي والاخيرة غلطة الاهل اللي مش بتربي ولادها كويس واصلا كان في اهالي عارفة ان ولادها بتعمل كدة وساكتة لان في ولاد سنهم 17سنة ممسكوين وفية كمان بنات ممسكين. وربنا معاهم ويصبر اهاليهم علي المصيبة دي.

**موني** · 2009-10-17, 10:16 AM

اقتباس:

المشاركة الأصلية كتبت بواسطة MaNsHo0o0

ahmedzaher

منه لله بقى اللى كان السبب ظبط الشبكه بقى يابنى حرام عليك وبطل تنفيض
شكلنا هنجيب مدير فنى اجنبى يمسك الشبكه

فجر الاسلام

طبعا دا اقل واجب نعمله ليهم

منورين والله

**ابن مصر** · 2009-10-17, 11:53 AM

رغم اني اعترض على الواقعة لأنها سرقة ، ألا أنني سعيد جدا بأن من أبنائنا من هو على هذا القدر من الفكر والعمل ويجب أن نشجع مثل هؤلاء ونستفيد منهم أعلى استفادة في مجالات الحياة الالكترونية بدلا من أن نلقي بهم في السجون ، عمار يادكرنس ...!

**The_boss22** · 2009-10-17, 01:42 PM

اقتباس:

ألا أنني سعيد جدا بأن من أبنائنا من هو على هذا القدر من الفكر والعمل ويجب أن نشجع مثل هؤلاء ونستفيد منهم أعلى استفادة في مجالات الحياة الالكترونية

اعترض ... مع احترامي الشديد

اولا ده مش فكر ولا حاجه دول اتورطوا ( ده شئ.. )

اما تستفيد منهم اللي سرق مره يسرق اكتر لانه كدا ميعرفش الحلال من الحرام .

ده فيهم شاب عنده امتحان يوم 25 ده مصيره ايه الوقتي ؟؟ ربنا معاهم .

**ابن مصر** · 2009-10-18, 11:42 AM

اقتباس:

المشاركة الأصلية كتبت بواسطة the_boss22

اعترض ... مع احترامي الشديد

اقتباس:

المشاركة الأصلية كتبت بواسطة the_boss22

اولا ده مش فكر ولا حاجه دول اتورطوا ( ده شئ.. )

اما تستفيد منهم اللي سرق مره يسرق اكتر لانه كدا ميعرفش الحلال من الحرام .

ده فيهم شاب عنده امتحان يوم 25 ده مصيره ايه الوقتي ؟؟ ربنا معاهم .

تذكر الطفل صاحب الـ12 سنة اللي كشف أسرار الـ cia أمريكا لم تعتقله بل طورته وسخرته لخدمتها

فالشباب دووول محتاجين اللي يوجههم خصوصا انهم لسه كلهم في سن صغير وممكن نستفيد بيهم في اطار القنوات الشرعية للعمليات الألكترونية

**Muhamed** · 2009-10-19, 02:42 AM

اقتباس:

تذكر الطفل صاحب الـ12 سنة اللي كشف أسرار الـ cia أمريكا لم تعتقله بل طورته وسخرته لخدمتها

فالشباب دووول محتاجين اللي يوجههم خصوصا انهم لسه كلهم في سن صغير وممكن نستفيد بيهم في اطار القنوات الشرعية للعمليات الألكترونية