اقتباس:

انا جيت تاني زي ما وعدتك يافجر بس يارب ما تكوني عايزة تموتني

يا اهلا وسهلا شرفتينى

اقتباس:

شويه اسئله علي السريع كدا

واضح انها على السريع ده كل سؤال منهم قضية لوحدها

اقتباس:

1- احكيلنا علي اكتر حاجه عملتيها وفرحتي من نفسك اوي؟

اما نجحت فى تالتة ثانوى و عوض شوية الدرجات اللى خسرتهم فى تانية ثانوى
وكمان كان الكل متوقع ان درجاتى هتقل عشان شايفينى انى مبذكرش اوى
وكانت مفاجاة والحمد لله لحقت كلية من الكليات النظيفة بس يارب انجح فى اختباراتها ادعولى زى مقلتلكم ولا بتنسوا

اقتباس:

2- موقف عمليته في انسان غالي عليكي وندمتي عليه؟

و الله انا بحاول افتكر بس مش لاقيه مش معنى كده انى معملتش موقف فى انسان ورجعت ندمت عليه
اكيد عملت بس انا مش فاكرة ممكن عشان اما بندم على موقف بروح اعتذر واللى قدامى بينسى وانا بنسى
على العموم اما افتكر هقول بس انا دلوقتى مش فاكرة خالص

اقتباس:

3-هل جربتي الحب؟

الحمد لله لسه

اقتباس:

4- كلمه تقوليها لاعضاء المنتدي؟

خلى بالكم من المنتدى واهتموا بيه وخلوه يرجع زى الاول واحسن وحاولوا صلحوا اخطائه

اقتباس:

5- حياتك لا تسمي حياه من غير مين؟

من غير ناس كتييييير منهم بابا وماما واقاربى واصحابى او اقدر اقول حياتى لا تسمى حياه من غير الناس اللى بحبهم

اقتباس:

6- طموحاتك في المستقبل؟

انى اتفوق فى دراستى وان جت الفرصة اكمل دراسات عليا اكملها

ده على حسب الجرح لو انا جرحته جرح كبير احاول كذا مرة ولو جرحته جرح مش كبير لحاول مرة تانية ولو هو مصمم على الرفض خلاص هو حر بس ساعتها اكون عملت اللى عليا امام ربنا
واعتقد ان اللى بيرفض اعتزار اللى قدامه هو اللى خسران

اقتباس:

8- ماذا تعني ليكي هذه الكلمات:

[quote][الحب
/QUOTE]

شعور جميل لو الانسان فهمه صح بس افضل حب هو حب الانسان لربه ده هو فعلا الحب الحقيقى

اقتباس:

الصداقه

مقدرش اعيش من غيرها ولا اقدر اخسر حد من اصدقائى

اقتباس:

الانانيه

اكتر حاجة اكرها فى حياتى

اقتباس:

الحياه

هى سر الوجود بالرغم من انها فانيه تتمتع فيها بالخير اما الشر يجعلها جهنم فى الدنيا

اقتباس:

الكدب

عادة وحشة جدا جدا بس دلوقتى اصبح كتير بيستخدمها

اقتباس:

التوتر

من اصعب الشعور اللى بيمر عليا بس هو مبيمرش عليا كتير بس انا مش بحبه

اقتباس:

النجاح

ده احلى حاجة النجاح وخصوصا اما تكونى انتى واللى حواليكى ناجحين
النجاح حلو لما تلاقى فى اعين اللى حواليكى وخاصة بابا وماما فرحة واللى هم بيفخروا بهذا النجاح

يا سلام هى وكالة من غير بواب
داخلة خراجة وخارجة داخله من غير احم ولا دصتور

هههههههههههههه

على العموم يا ستى تشرفى
بس عاوزة افكرك ليكى يوم