اولا السلام عليكم ورحمة الله وبركاته
انا كنت شايفة الموضوع ده من زمان ومكنتش عايزة اقول رايي لانى مكنتش متاكدة بصراحة
بس قلت اقوله لما لقيت الاخ اسلامى وجهلى الدعوة
عموما انا رايي ان التسيبح والاستغفار مش حرام فى المنتديات لاسباب عدة
اولا ان الاصل فى الامور الاباحة الا ما ورد نص من القران او السنة بتحريمه
ومفيش اى نص معناه يتناقض مع التسيبح والاستغفار فى المنتديات
ثانيا استشهادى بقول الله تعالى (اذكروا الله قياما وقعودا وعلى جنوبكم )
يعنى ذكر الله سبحانه وتعالى مباح للانسان فى جميع اوضاعه حتى لو نايم او متكيء
يبقى لا يستوى انه يكون محرم فى المنتديات والمنطق بيقول كده
وبعدين بالعكس بقى ده شيء مستحب وحماية لينا فى المنتدى
كانه سور بيحمينا ويحمى فكرنا من اى انحدار ويعتبرسياج حامى للشباب
ولما نسبح ونذكر ونستغفر احسن ما نضيع الوقت فى موضوعات تانية من اللى منتشرة فى المنتديات
والرسول عليه الصلاة والسلام قال الحلال بين والحرام بين وقال استفت قلبك
ولو كل واحد فينا فكر واستفتى قلبه وهو بيذكر ربنا فى المنتدى مش هيحس انه بيعمل حاجة غلط او حرام
ومش هيحس ان ده شيء متعارض مع الفطرة والدين
هذا والله اعلم
وتقبل مرورى اخى ويب كراكر