شكرا اخت ايناس على كلامك هو فعلا مقنع بس اعتقد اننا لوبصينا لكل مشكلة بالطريقة دى مفيش حاجة هتتغير لازم نعمل حاجة ونحاول وناخد النية وندعى ربنا يكرمنا وبالاخلاص اكيد هنوصل بس لازم نصبر ونتحمل وهرددلك مقولة ا عمرو خالد الشهيرة ان مفيش حد بيصمم على فكرة ويعيشلها غير لما يحققها بفضل الله اما الاخ مندوز فبجد جزاك الله خيرا على عرضك الرائع لفكرة الحملة وده ما توقعته من حضرتك فعلا وكمان رائع ان حضرتك تفكر فاللى هتعمله وتشوف هياثر على مين وكده ده بجد تفكير ممتاز واحب اوضح ان الحملة دى لكل الناس ولكل الطبقات والدليل انها مجانية لكثير من الناس الغير قادرين واعتقد ان الفنيين مثلا او المهنيين مثلهم وهذه الطبقات لما يشوفو الاستيكرز دى ف كل مكان اكيد هتخليهم يفكرو مليون مرة قبل ما يعملو كده ولعل الله يهدى منهم ولو واحد واعتقد كمان ان المفروض انهم مايبرروش تعاطيهم للمخدرات بالظروف والمشاكل لان الهروب من اى مشكلة مهما كانت صعبة مش الحل واعتقد ان ببعض الجد والاجتهاد والبحث عن مصادر رزق افضل مهم /نعم اعلم الظروف الصعبة/ولكن بالتوكل على الله والاخذ بجميع اسباب النجاح والدعاء يقدرو يعملو حاجة وكمان لازم نفتكر قول الله/ومن يتق الله يجعل له مخرجا ويرزقه من حيث لا يحتسب/وكمان/واستغفرو ربكم انه كان غفارا يرسل السماء عليكم مدرارا/ لازم نتفاءل جميعا ونحاول نلجا لحلول تفيدنا متضرناش وطبعا زى ماحضرتك قولت لازم نحاول نعمل حاجة مهمة وهى اننا نصلح كل تصرف خاطئ حوالينا بس خلينا نبدأ بالمخدرات عالاقل عشان الحملة دى منطلقة حاليا وبتوجهنا نعمل ايه وازاى واكيد لو كل واحد فكر باخلاصص هيلاقى مليون طريقة يشارك بيها ويعمل بيها حاجة وزى ماقولت احنا كلنا شباب وكلنا طاقة فخلينا نعمل حاجة مفيدة وفعالة لامتنا وياريت حضرتك تستمر ف موضوع كارثة لانه اكيد ممتع ومفيد