انا بقالى يومين عايشة حياة الطفولة المشردة
واغانيها الحلوة
حبيت اخليكم تسترجعوا معايا ايام طفولتكم
الاغنية اللى كل امهاتنا غنهولنا واحنا لس فى اللفة
ذهب الليل
واما مامتك تنزل السوق وتسيبك مع حد من جيرانك او مع جددتك او مع باباك وانت تعيط وتفتح الجاعورة اللى مش بتتسد تلاقى اغنية
ماما زمانها جاية
(على فكرة غالبا دى الاغنية الوحيدة اللى بيغنوها الابهات لعايالهم الصغيرين)
ويا سلام بقه واحنا عيال وامهتنا تعد تعلمنا شهر ازاى نسقف
وهى بتعلمنا ازاى نسقف امهاتنا تعد تغنى
سوسه كف عروسة
واما بقه ميكنش ليك نفس تاكل
لو كنت ولد تلاقى عبد المنعم مدبولى طالع يقولك
كان فى واد اسمه الشاطر عمرو
ولو كنتى بنت هتلاقى عفاف راضى بتقولك الهم النم
اكيد لما كنت تشوف قطر كنت تعد تقول توت تيش تيش تيش وتفتكر اغنية
توت توت توت
واخيرا الاغنية اللى كانت بتغيظ كل الولاد واولهم اخويا
اغنية البنات الطف الكائنات
كان رامى يعاندنى ويعد يقول البنات البنات صراصير البلاعات
فى اغانى اطفال كتيرة بتفكرنى بالايام الحلوة دى
بس انا قلت اسيب مساحة ليكم
تجيبوا اغانى الاطفال او الايام اللى بترجعكم لايام الطفولة الجميلة عندكم
والطفولة المشردة عندى
th;vdk ,hpkh h'thg