لا انا عمرى مشفت لا دبح خروف ولا دبح عجول
ولا احب اشوف العك بتاع غسله وتنضيفه
انا ليه بس اكل
حتى لحمه الخروف مليش تقل عليها
العجل اه بحب اللحمه بتاعته
اما عن المواقف
فانا محصليش علشان السبب السابق
لكن فيه اصحابى حصصلهم
منهم واحد
كانوا هيدبحوا العجل
وهوا بقه من نوعيه اللى عامل نفسه فاهم فى كل حاجه
المهم طبعا صبى الجزار المفروض يربط العجل ويمسكه قبل الدبح
حلو
حلو
المهم طبعا ساعه الدبح الواد عايز يعمل نفسه دكر
فتتطوع انه هوا اللى هينخ العجل(يخليه يقعد على الارض يعنى)
فنط فوقيه قام الرباط اللى كان مربوط بيه العجل انفك(شكل الصبى مربطش رجليه كويس )
فطبعا العجل هاج وجرى
وصاحبنا اتنطر ووقع على الارض
والناس طبعا قاعده تضحك على سبع البرومبه اللى وقع ده
المهم بعد كده طبعا الناس لحقت العجل وربطوه كويس المره دى وقاموا بالدبح
طبعا اللى فتن على صاحبى كان اخوه بؤلظ الصغير
بس خلاص
دى القصه اللى فاكرها دلوقتى