السلام عليكم ورحمة الله وبركاته
انا أختكم عليا وقبل ما اعرض اقتراحى او الأفضل انى اقول مشكلتى أحب انى اهنيكم على المنتدى الجميل ده واهنيكم بصحبتكم واخوتكم وحبكم فى الله ربنا يديمه عليكم
أنا عندى اخ اصم وابكم اسمه محمد هو اصغر منى ب11 شهر بس....علشان كدا انا وهو مقربين جدا وللسبب ده برده انا ووالدى درسنا الاشارات على قد ما قدرنا علشان نعرف نتواصل معاه
لما بنتفرج على التيليفزيون انا اللى باترجم لمحمد ولما لاحظ انى باتابع الاستاذ عمرو خالد ومصطفى حسنى وأحمد الشقيرى والبرامج الجميلة دى ومهتمين بيهم هنا فى البيت ابتدى هو كمان يشوفها معانا وحبها جدا جدااا
المشكلة ان مش كل الكلام باقدر انا اترجمه واحيانا هو بيدايق انه بيشغلنى بالترجمة فبيفضل انه يخرج ويسيبنى اسمع براحتى علشان مش يدايقنى خاصة انى بحب ادون الحاجات اللى باسمعها
فارجوكم ارجوكم حاولوا تدرسوا اقتراح انه يكون فى نافذة لترجمة الاشارات فى برنامج استاذ عمرو زى اللى كانت فى نشرات الاخبار دى لانى دلوقتى نسبة الصم والبكم مش قليلة ولانى بحب اخويا جدا جدااا وعايزاه يستفيد من دروس استاذ عمرو والدروس الدينية التانية فلو بدأ الاستاذ عمرو بتنفيذ الفكرة دى البرامج التانية هتهتم وتقلده
ارجوكم تساعدونى اكسب اخويا فى طريق الهداية والنور طريق الله هو وكل اللى ربنا حرمهم نعمة السمع والنطق
ارجوكم واتمنى من الاعضاء يضموا صوتهم لصوتى علشان ادارة البرامج دى تهتم
أنا كتبت الموضوع ده فى منتدى الاستاذ عمرو خالد ومنتدى الاستاذ مصطفى حسنى وفى تفاعل كبير وبما ان هنا بيتى التانى ومشكلة أخويا أكيد تهمكم برده حبيتكم تشاركونى بالتصويت عليها
وجزاكم الله عنا خيراااا
kht`m jv[lm ggwl ,hgf;l tn hgfvhl[ hg]dkdm