و الله انا لما قريت الموضوع ده جالى احساس غريبة ان الدنيا ادامى سودا
ومع احترامى لكاتب الموضوع وموضوعه الممتاز
بس انا شخصيا بحب ان المواضيع اللى بتتكلم عن يوم القيامة او علامتها وهى عادة مواضيه للتذكير او بتخوف الانسان اللى بيعمل معاصى انه هو يخلى باله من نفسه بحب انه يكون فيها امل
لاحظ فى سور القرآن الكريم فى معظم سور القرآن الكريم ربنا سبحانه وتعالى فى اياته عندما يذكر اصحاب النار وعذابهم يذكر بعضيها ايات توضح اصحاب الجنة والنعيم اللى هيلاقوه
واذا ذكر فى اياته عن حال العاصى بيذكر فى نهايتها انه هو التواب الرحيم
بالرغم من علامات يوم القيامة الصغرى دى فى امل
امل ان باب التوبة مفتوح ولم يغلق حتى الان
امل ان من علامات يوم القيامة ان ربنا هيكتب للمسلمين انهم يفتحوا الاقصى وانهم سوف يستردوها من اليهود وده بيدينا امل ان الامة هتتصلح وان الايمان هينتشر تانى لان لما الايمان هينتشر تانى ساعتها هنكون اقوياء متحدين وهنعد العده ونفتح الاقصى
امل ان برغم العلامات الصغرى اللى حضرتك ذكرتها الا انه فى حديث شريف بيقول ( ان الخير فى امتى الى يوم الدين)
واكبر امل انه باب التوبة مفتوح ولسه لم يغلق