عرض مشاركة واحدة
قديم 2009-09-26, 03:10 PM   #19
الصورة الرمزية عليااااااا
تاريخ التسجيل: 2008-12-28
الدولة: قنا......أرض الطيبة والكرم
العمر: 39
المشاركات: 416
التقييم: 106
الصورة الرمزية عليااااااا
افتراضي

بصراحة مش لاقية كلام أعلق بيه
كلامك صح يا أستاذ سمير بس برده الغلط كله مش فيهم
جزء من المسؤلية علينا احنا
المشكلة مش فى مصر المشكلة فى اللى ساكنينها سواء حكام أو شعب

الحكام فاكرين انهم اشتروها
والشعب اتغرب فيها
ولا حكامها ملكوها ولا ولادها فى الغربة نسيوها
ولا هانت ولا تهون ست الحسن متصانة

وصرخ الولد تايه
فينك يا أمى تعالى ضمينى
ابعد يا ابنى سحاب الظلم عامينى
أخاف أدوس قلبك وانا فى ضلام الغدر محبوسة
أخاف يسمعوا صوتك
أخاف يصنعوا موتك
أو يرموك فى بير غويط بيبانه متروسة
وتروح منى وتبقى نيران الضنا تكوينى
ابعد يا ولدى ابعد بعيد
ولو ان فرقتك يا ضناى على عينى

وتتحملى غيابى يا أمى تنسينى
أبدااا ماتحمل فراقك ولو يوم ولو ساعة
لو كانوا غدروا وظلموا فالظلم له ساعة
لكن انتى حبيبتى نورى وفرحى وحنينى
ما اسيبك حتى لوأموت
أقله أموت وأخر صورة فى عيونى
صورة أمى تحضنى وتبكينى
التعديل الأخير تم بواسطة عليااااااا ; 2009-09-26 الساعة 03:24 PM
عليااااااا غير متصل   رد مع اقتباس