اقتباس:
في البداية أحب أقول إننا الحمد لله قدرنا نوصل المبلغ لأبو مريم
والحمد لله بفضل الله المبلغ وصل 16000 جنيه سلمناهم للراجل..كلهم من تحويلات الرصيد + جمع الأعضاء من مناطقهم + تحويلات المصريين بالخارج
كان مفروض نتجمع في رمسيس الساعة 9:30 بعد الفطار لكن اتجمعنا كلنا الساعة 11 والتأخير بسببي لأني متوقعتش إن مشوار الشرقية هيطول كده
المهم في ناس كتير جابت فلوس من أماكن مختلفة ووصلوهالنا ..وفي النهاية كنا 4 رحنا لوالد مريم على الساعة 12
أنا وجمال وأحمد وواحد من بره المنتدى
أي حد راح هايتأكد 100% إن الراجل عمره ما بيكذب لاو بيتاجر ولا الكلام الفاضي ده..والشخص اللي طلع الإشاعة دي ربنا ينتقم منه لأنه بينشر أي حاجة في أي اتجاه من غير ما يتأكد..احنا قعدنا مع الراجل وشفنا الأوراق بتاعت كل حاجة..تقارير المستشفيات وقرار الوزير بتاع نفقة الدولة وهي 12 ألف دولار ..تخيلوا بقى 12 ألف دولار هايعملولهم إيه إن شاء الله في بلد أجنبية ومصاريف مستشفى وإقامة وأدوية..الخ
والراجل بقاله مدة مبيشتغلش وحالهم واقف..حرام يا جدعان
وعموما خدوا الرد ده برضه
Download51822
المهم البنت الحمد لله جلدها بقى كويس والحروق راحت منه لكن المشكلة كلها في عينيها اللي شبه مش بتشوف بيها...ومش بتعرف تعد في النور..قعدتها كلها في الضلمة لأن النور بيتعبها
الناس محتاجين فلوس يا جماعة..هما كانوا مكسوفين مننا أصلا بس بجد الناس دي تعبت وبقالهم فترة مش شايفين قدامهم من كتر المصاريف
البنت كانت سليمة واللي تعبها حقن الكورتيزون والمضادات الحيوية التقيلة والدكاترة الأغبياء والإهمال الغبي اللي في المستشفيات والحمد لله على كل شيء
إن شاء الله يا جماعة هانفتح باب التبرع من تاني..والفلوس اللي هانجمعها هانسلمها لعم مريم
طرق التبرع:
1- للمقيمين داخل مصر
أنا جبت خطين جداد هانحول عليهم رصيد موبينيل وفودافون
الرقمين اهم
فودافون 0199816510
موبينيل 0176370585
الرقمين اللي فاتوا دول مش هاينفع أستقبل عليهم اتصالات..يعني لو حد اتصل هايقوله الموبايل غير متاح..وأنا مش هاحطهم في تليفونات لأني مش هاينفع فعلا أستقبل عليهم أي مكالمات لظروف معينة
لكن اللي عايز يراسلني أو يستفسر مني عن حاجة ممكن يبعتلي على عضويتي. والأرقام مكتوبة صح 100%
ممكن تحول أي مبالغ إنت عايزها
والحمد لله اتفقنا مع صاحب سنترال محترم ربنا يكرمه ويجزيه كل خير ويباركله..مستعد يشيل أي رصيد..والنهاردة خاد مني رصيد بـ 2800 جنيه ودفعلي 2800 جنيه من غير ما يخصم ولا قرش
|
جزاكم الله خيرا لكل من شارك ولو بدعاء