لما قابلتها يوم وانا ماشى
قولت ياريت اليوم دة ماجــاش
كان شئ صعب عليا حقيقى اعمل نفسى ما بعرفهاش
يومها ماكناش بس اتنيــــن
كان ناس تانية كتير ماشين
كنت ساعتها فى عز الحيرة
لحظة وعدت زى سنيــــــن
قولت انا همشى أوام طوالى
وأعمل نفسى ماختش بالــــــى
بس ازاى يجى يوم واتنكر من اللى زمان كانت كل أمالى
هى اكيد كانت راح تتألم
لو عديت من غير ما اتكلم
وعلشان كدة انا خدت قرارى
لما تقرب اقف واسلم
ضاع من قلبى اللى مخوفنى
لما شافتنى وقلبها شافنـــــى
اتبسمت ومديت ايدى
عاملت نفسها ولا تعرفنــــى