السلام عليكم ورحمة الله وبركاته
انا عندى راى فى الموضوع ده
ياريت تتقبله
والحقيقة انا رايى دى مستنبع من راى مفتى الجمهورية و بعض علماء الازهر
الذين يرون ان حرمانية هذا اليوم فى تسميته وليس فى مغزاه
طبعا ومما لا شك فيه
ان الاسلام كرم الام تكريم كبير اوى
طبعا ربنا كرمهما فى ايات كتيرة فى القرآن
وكرمها الرسول صلى الله عليه وسلم
بص هقولك على حاجة
العيد طبعا عند ربنا اتنين عيد الفطر وعيد الاضحى
وده شىء لا يختلف عليه اثنين
بص هقولك على حاجة بص يارب تفهمنى لان انا مش قادرة الاقى كلام يوصل اللى فى دماغى
لو كان يوم 21 مارس ده اسمه يوم الام وليس عيد الام
اعتقد مكنش حد هيزعل ومكنش هيتقال بدعة وضلالة
ودليل على كلامى ان مفيش حد بيزعل من مثلا يوم العلم وده بيتكرم فيه العلماء
يوم الايدز وده مخصص لعمل ندوات لمكافحة مرض الايدز
انا شخصيا بحاول اعود لسانى انى مقلش عيد الام لا اقول يوم الام
بص فى فرق مثلا بين يوم 21 مارس ومثلا بيوم اللى هو عيد الحب
طبعا عيد الحب ده بيكون بلوة لوحده وطبعا كلنا عارفين ايه اللى بيحصل فيه
لكن يوم الام بجد ليه فوايد
بيتجمع فيه شمل العيلة
بتشوف قد ايه الفرحة فى عين والدتك وانت داخل عليها
مش قادرة اوصفلك فرحة الام اد ايه
الام والاب تكريمهم لازم يكون كل يوم وكل دقيقة وكل ثانية
بس انا مش شايفة غلط لو يخصص لهم يوم برضو بيكون ليه فرحته
انا اعتراضى بس على كلمة عيد الام عشان كده انا بفضل استبدالها بيوم الام
يوم 21 ليه فوايده اكتر من اضراره
على الاقل انت اهو اعد جمب مامتك
فما بالك امهات دار المسنين اللى عيالهم رموهم
يوم 21 مارس ده بيكون احلى يوم فىالسنة عندهم
عشان بيلاقوا ناس بيسألوا عليهم ويجيبلهم هدايا بيفرحوا بيها بالرغم ان الهدايا دى مش من عيالهم
واقولك على حاجة احنا محتاجين يوم لكل حاجة
يوم للام عشان الابن لو فى مشاكل بينه وبين مامته يصالحها
يوم للعلم عشان نفتكر العلماء ونكرمهم
يوم للايتام عشان نفتكر الأيتام ونزورهم
لاننا فى الزمن ده بقينا ننسى حاجات كتييييير اوى اوى المفروض لازم نعملها
ومبنفتكرهاش غير اما نظبط الريمندر بتاع الموبايل عشان يفكرنا
يلا ربنا يهدى
ودى كانت وجهه نظرى قد تختلف معاها وقد تتفق معاها
ولكن الاختلاف فى الرأى لا يفسد للود قضية
وانت خد برأى علماء وانا خد برأى علماء اخرين