شبـــكة تـيـفـا نت - عرض مشاركة واحدة

**فجر الاسلام** · 2009-03-06, 08:47 PM

يااااااااااااااااه ماندوز

فين مواضيعك من زمان مكتبتش مواضيع

على العموم اهلا بعودتك مرة تانية

وتسمحلى اقطع تذكرة لاركب القطار وألف لكى اشاهد جولتك الجديدة فى صفحة من صفحات الحياة

المحطة الاولى

[QUOTEا انفجار الحسين ومن ورائه ][/QUOTE]

طبعا الانفجار ده رجع لذاكرتنا الايام المأساوية التى عانت مصر من اقبح شىء فى العالم وهو الارهاب

ودائما مبيستهدف هذا الارهاب السياحة فى مصر

اقتباس:

اما عن من تابع الجرائد الرسميه فسنجد اصابع اتهام خفيه تشير الى ايران خصوصا ان العلاقه المصريه الايرانيه تشهد اضافه بعض التوابل الى المحادثات فلذلك يكثر الهمز واللمز من الطرفين تجاه الاخر

اه انا سمعت كده برضو بس مش بعيد يعنى على ايران انها تعمل حاجة زى دى

اقتباس:

بعيدا عن مرتكب الحادث وعن نواياه او فكره فالحمد لله اولا انه لم يكن انتحاريا دى نقطه ايجابيه فى الموضوع على الاقل علشان ميكونش فى مواطن مصرى بالاخص شاب غرر بيه من قبل اتجاه سياسيى او دينى معين ليلقى بنفسه الى التهلكه

الحمد لله وربنا موجود بس برضو ..........................

اقتباس:

ما رايته من تغطيه بعض القنوات المصريه للحدث احسستنى بالفخر

هذا هوا الاعلام كما ينبغى له ان يكون

فقناه كالحياه نقلت الاستوديو الخاص بها الى الحسين حتى تساعد على اعاده الجو كما كان عليه من امن وهدوء

تغطيه دريم والساعه كانت جيده على الرغم من تضارب اقوال الشهود بطريقه كوميديه حول ما حدث

اه فعلا ده فى الراديو كمان كانوا عمالين يجيبوا وصول باخرة تحمل كام سائح من فرنسا

فعلا كان اتجاهم ايجابى فى الموضوع ده لم يكتفوا ان هم يدورا فقط على الفاعل ومين وراه ورمى اللوم على المسئولين ولكنهم فعلا عملوا على توصيل الناس بعدم الخوف وتثبيت الامن

بين الناس والسياح كمان اصل السياحة مش ناقصة الازمة العالمية مدمراها وكمان تفجيرات ( الواحد يخاف على مستقبله احسن الشركات السياحية وشركات الطيران تقفل قبل ما اتخرج )

المحطة الثانية

اقتباس:

- ممكن اكون حبيب الشعب واخلى الدنيا بامبى بس الاجيال القادمه هتلعنى ( تعليقا على سهوله الاقتراض من الخارج لحل الازمات ولكنها ستزيد الديون )

- بحب احمد عز وشايف فيه المستقبل وطموحه كويس ( ما جمع الا اما وفق )

- سيبونى 3 سنين والمشاكل كلها هتتحل وهتبقى بمبى بمبى بمبى ( وشغلى اغنيه سعاد حسنى فى الخلفيه )

- اتنكرت فى مره ودخلت مصلحه المعاشات واحبطت ( مكنتش تجيلك ازمه قلبيه من الطابور ونخلص)

الى هنا ينتهى تصريح الوزير واللى عايزه هيلاقيه على مصراوى بس محدش يدعى عليا انى عرفته عن مكان الحديث ان احذرتكم قبل متقروه

ههههههههههههههههههه انت متاكد ان ده اسلوب وزير انا اشك الحقيقة

انا دخلت على مصراوى لقيت خبر تانى عنه

اللى هو اسقاط 40 مليون جنيه ديونا على 16 الف اسرة فى سينا

المحطة الثالثة

اقتباس:

حدث اخر القى بظلاله على العالم العربى وهوا قرار المحكمه الدوليه بخصوص الرئيس السودانى ودعوته للمثول للمحكمه

تصريحات الدول الغربيه تباينت فى حين رفضت الصين وروسيا قرار المحكمه جاء رد فعل امريكا وفرنسا مؤيد له

ولكن

هل عندما يصل الموضوع الى مجلس الامن

هل تتحرك امريكا او بالاصح تكون امريكا هيا المحرك لجعل قرار مجلس الامن يقع تحت بند تنفيذ القرار بالقوه (( تقريبا البند السابع ان لم تخونى الذاكره ) وهنا الفرق بين قرار وقرار فى مجلس الامن

فقرار مثل ايقاف اطلاق النار فى غزه لم يكن تحت هذا البند لذلك هوا يعتبر قرار على الورق

ده مجلس الامن الامريكى مش بتاع الامم المتحدة

وبعدين قرار وقف النار كان فى حكومة بوش اما قرار البشير فى حكومة اوباما

اوباما اللى العرب نفخينه ومعتبرينه هو المنقذ على ايه مش عارفه

على العموم تعليقى الدقيق على الموضوع ده مش هقدر ادهولك لانى مكنتش متابعاه الحقيقة

المحطة الرابعة

اقتباس:

اما اخر احداث هذا الجوله

معتقدش انها اخر احداث هذه الجولة

اقتباس:

فهو موقف خاص شاهدته فى اثناء طريق عودتى فحببت ان تشاركونى الرأى

الموقف بدأ عند نزولى من العباره التى استقلها يوميا لعبور نهر النيل بين محافظتى القاهره والجيزه عذرا محافظتى حلوان و 6 اكتوبر ( بعد التعديل)

المشهد بدأ من فتاه تلبس ملابس يمكن القول انها مختلفه عن الزى المعتاد للفتيات

يعنى ايس كاب وجاكت بالوان غريبه

يعنى ببساطه تلك الفتاه خرجت من بيتها وهيا عامله حسابها انها هتتعاكس ومش عارف سبب يدفع فتاه محترمه ( دا ان كانت محترمه على لبس مثل تلك النوعيه من الملابس التى تعنى فى عصرنا الحالى ان تلك الفتاه ستنال من المضايقات والكلام ما يفوق التحمل)

المهم فى اثناء سيى لمحت هذا الشاب

نعم انه هوا

هذا النموذج الحقير من الشباب

هوا بعينه

يلبس تلك الكوفيه تعبيرا عن صياعته التى يفتخر بها

وها هوا يحدث زميله وعلى الغالب يراهنه على انه سيتفتح مجال للحوار مع تلك الفتاه

تلك العينه الحقيره من الشباب التى لا اعرف ما الحل فى مثل تلك النوعيه فى المجتمع

فى الباديه رايته يتخطى الحاجز لان الطريق عباره عن اتجاهين بينهما حاجز

ليقترب من تلك الفتاه

حاولت تجاهل المنظر ( ومديت لقدام) على ان يحالفنى الحظ بوسيله مواصلات سريعه حتى لا افقد اعصابى ويرتفع ضغطى اكثر مما كنت عليه

ولكن لحظى العاثر رايت مشهد بجد ملوش تصرف غير ان حد كبير من اللى واقفين يضرب الولد ده بالقلم على وشه فى وسط الشارع

المشهد ببساطه ان فى توكتوكين واقفين بينهم مسافه صغيره فجاءت تلك الفتاه لتمر بينهما فاذا بهذا الحقير يتحرك ليمر بجانبها مما ادى الى ما تخيلتوه من تلامس

ما اذهلنى هوا ردت فعل تلك الفتاه التى اكتفت بنظره لا اعرف ان كانت تجاهل او ابتسامه

ولكنى وجدت ابتسامه المنتصر فى وجه هذا الحقير

وتلاشى المشهد تدريجيا بتحرك التوك توك الذى وجدته للخروج خارج هذا المكان محملا بطاقه غضب عن مدى ازدراء المجتمع الذى افرز مثل تلك النوعيه من هذا الشاب او حتى تلك الفتاه التى لا اعرف هل لا تعلم او لا تعيش عصرنا ام تعرف وتستهبل

لا تعليق غير انه اصبح مشهد متكرر فى شوارعنا المصرية

المحطة ا لخامسة

فى حدث هضيفه

وطبعا تكملة لسلسلة الحرائق فى مصر والتى تكون نتيجة الماس الكهربى طبعا

شهدت الاسكندرية حريق فى المنشية و الذى ااسفر عنه كثير من الخسائر المادية

فقد كان حريقا هائلا ادى لتدمير العديد من محلات الملابس والسيارات وسنترال المنشية و الرياح ساعدت على كده ومش الرياح وبس طبعا تاخر وصول المطافى والاسعاف

وبرضو لسه القطار ماشى ومزيد من الجولات فى صفحات من الحياة