على فكرة....
طرد السفير مش معناه انهم قطعوا علاقتهم علاقتهم باسرائيل
ومش معناه ان السفارة اتقفلت
السفارة بتفضل مفتوحة وكل اللى بيتغير ان اعمال السفير تؤول الى موظف اقل منه
حاجة كمان
هى السفارات اتعملت ليه؟؟؟
مهمتها ووظيفتها ايه
السفارة جزء من الدولة يمثلها فى دولة آخرى
طيب بيمثلها ليه؟؟؟؟؟
عشان لو حصلت خلافات او مشاكل يبقى عندنا همزة وصل ممكن من خلالها نأثر على الدولة دى
او نوصلها رسايل ونتفاوض معاها زى ما مصر بتعمل دلوقتى وبتسعى لحل لوقف اطلاق النار
وطبعا بتبعت رسايلها واقتراحاتها عن طريق السفارة
طيب يعنى لو كنا طردنا السفير كان ايه اللى هيحصل؟؟؟
بسيطة.... ممكن يطردوا السفير المصرى
وبالتالى
السفارتين هيفضلوا مفتوحين والتغير اللى هيحصل ان مستوى التمثيل السياسي هيقل
والاتصال هيقل وده ممكن يعرقل محاولات ومساعى مصر لايجاد حل ووقف اطلاق النار
كلنا عايزين علاقتنا باسرائيل تتقطع انهرده قبل بكره
بس ده مش قبل ما نحل مشكلتنا ونسترد ارضنا منهم
لان تدخلنا دلوقتى اكيد هيفيد وقطع العلاقة دلوقتى مش هيفيد بحاجة