الحقيقة يا حمتو انا لم احس باى نوع من السخرية خالص ربما لانى انا وماندوز من مؤسسين المنتدى اللى هو بقاله اكتر من سنتين فانا اعرف اسلوبه فى موضوعاته وتعليقاته
بس برضو انا لاحظت ان مفيش حد من الاعضاء الذين ردوا قبل ماندوز احسوا بالسخرية من اسلوبه بل بالعكس هو رد تانى عندما لم يفهم الابتسامة
وقال ان هو ليه وجهه نظر مش عاوز يقولها بس لما طلب منه eng ان يوضحها وضحها وهو مغلطش لما قال
النقطة الثانية

ماندوز لم يقلل ابدا من ردودنا بل بالعكس هو قال ان هو فرحان بيها بس اشار ان هو له وجهه نظر اخرى واحنا مش من حقنا اللى احنا نغصبه ان هو يقول وجهه نظره هو حر


هو لم يكن يريد ان يقولها حتى لا يحدث ما حدث الان حتى لا يحدث بلبلة وتشتيت و لا يفرق اراءنا المتجمعة حول نقطة واحدة ودى نقطة تذل على انه بيحترم العقول اللى ادامه واهم حاجة عنده ادام احنا مجتمعين على صح فلا داعى ان ينشر وجهه نظره المخالفة التى يحتمل فيها الصواب ايضا او الخطأ

ولكن لما ناشر الموضوع طلب منه ذلك وضحها




ربنا امرنا اللى احنا نتامل فى سنن الكون ونتقرأ القران بتدبر ونحاول ان نفهمه ولا يوجد شىء يمنع الانسان من التدبر فى القران بنفسه

ده اللى احسن اللى يحاول يقرا القران والحديث بتدبر ويحاول يستخلص منه نقاط ويطلع بتساؤلات قد غابت عن اذهان العلماء فلما يسألهم فهو بيلفت نظرهم


وكمان ماندوز هنا مجبش وجهه نظر وهو حاول يدعى بل ده من اقوال الفقهاء والعلماء اللى حضرتك نفسك استدليت على كلامهم بس من الواضح انك خد الاراء اللى انت مقتنع بها فقط واهملت باقى الاراء


وانا هجيب نقطة من موقع دار الافتاء من نفس الموضوع اضفها على نقاط ماندوز
فى مبدأ سبق وان ذكرته وهو مبدأ استفتى قلبك

انا شخصيا ارى انها حرام استنادا لقول فقهاء وبعد استفتاء قلبى

ماندوز لا يراها حرام فى بعض المواقف استنادا لقول فقهاء وبعد استفتاء قلبه

وكلاهما جايبين ادلة شرعية

فلو هو دخل وقال ان هى مش حرام وجايب ادلة شرعية انا مليش حق اللى انا اهاجمه لانه هو اعتمد قول فقهاء مشهود لهم بفقههم وانا ايضا اعتمد قول فقهاء مشهود لهم بفقههم


انا عايزة اقولك حاجة يا حمتو

لو انت مقتنع بان المصافحة حرام وناس تانية مقتنعة انها مش حرام طالما مفهاش فتنة
وكل منكم واخد بقول العلماء
وانت واخد براى ال جمهور مثلا حاول تقنعه بذلك اقتنع اوك مقتنعش خلاص طالما انه برضو ماشى على صح نتيجة لقول بعض العلماء لكن متفرضش عليه ذلك

ونصيحتى استفتى قلبك دائما فى اى موضوع على الاختلاف واحترم كل من يستفتى قلبه حتى لو خد راى اخر غير اللى انت مقتنع بيه وعايزة اقولك حاجة كمان ان الفتوى بتختلف على حسب المكان والزمان والموقف كمان ولا مانع فى ذلك طالما ان هناك ادلة شرعية
والدليل على ذلك اتذكر موقف قد حدث على ايام الرسول صلى الله عليه وسلم عندما جاء له رجل كبير فى السن ( عجوز )وقال له انه قبل زوجته فقط فهل يغتسل فقال له لا وبعديها بشوية جاء له شاب فقال له انه قبل زوجته فقط فهل يغتسل فقال نعم

العلماء فسروها ان الرجل الكبير قبل زوجته فغالبا سيقبلها بدون شهوة لانه كبير فى السن وكلما بيكبر بتنعدم الشهوة ولن يصدر عنه بعض الاشياء التى كانت قد تصدر من الشاب الذى قبل زوجته لانه غالبا عندما يقبلها ستكون بشهوة

وصوابعك مش زى بعضها

ارجو ان تكون فهمت قصدى