الموضوع بتاعك جامد جامد
وبصراحه دا مش مكانوا مكانوا مجله علميه عالميه اسلوبك شيق وجميل
علي العموم انا هتكلم عن نفسي انا مريت بحاله اكتئاب كادت ان تدمر حياتي كادت ان تاخذني الي مرحله الانتحار
لولا فضل الله ورحمته الحمد لله انا اتعلجت منها ويعني متابع مع دكتور بس بطلت الادويه من فتره وانا بعالج نفسي بنفسي
الحمد لله انا قدرت ارجع تاني للدنيا واتكلم
كانت اول حاجه في علاجي الكلام
انا حصلي دا والتعب زاد عليا كنت انا في كليه علوم واترفدت من الكليه والحبتها اتخطبت وصديقي الوحيد اتخصمنا وطلع فيا حجات وقال عليا كلام عمري ماكنت اتوقعوا
كل دا حصل في يوم واحد كانت صدفه غريبه يوم ماعرف اني رسبت في الكليه هوا اليوم الصاحبي كلمني فيه واتخصمنا ولما روحت البيت عرفت ان حببتي كانت عندي في البيت
وكانت بتسلم علي امي وبتقولها اني اتخطبت وبتودعها
انا دخلت البيت قفلت علي نفسي وفضلت اكتر من ثلاث شهور مش بكلم حد كل البعملوا انام واروح اصلي بس اقوم من نومي علي الصلاه وبس
لحد ماروحت للدكتور الدكتور شخص حالتي حالة اكتئاب مزمنه
زي العاهه المستديمه عمرها ماهتسبني
علي فترات بتروح وتيجي علي حسب المود بتاعي
اي مشكله اي حاجه لازم تتعبني
بس الحمد لله
اننا مسلمين اولا
وان جوا الاسره في مجتمعنا لسه دافي
وكمان ثقتي بنفسي رجعتلي
وبدئت اتكلم
دي كانت بدايه علاجي الكلام ماكنتش بتكلم مع حد خالص
والحمد لله يعني الكلام عاد سهل علي لساني
ورحت كليه تانيه والحمد لله كلوا تمام ويارب
انا اسف اني طولت عليكوا بس انا كنت محتاج احكي واتكلم يعني