ياجماعة بليز محدش يدافع عن ابو تريكة تاني عشان اخوانا الزملكوية بيطلعوا شحنة قديمة كانت جواهم من زمان بس مش عشان زعلانين منه
هم مفكروش في التصرف ولا في معناه ولا سبب الاعتذار
بس كل الحكاية انهم فرحوا بانهم اخيرا حسوا انهم مسكوا عليه حاجة
سؤالي بقي لكل زملكاوي محترم دخل الموضوع
لو واحد مفيش بينك وبينه اي حاجة جه وراح شتمك بالفاظ بذيئة وبالام والاب من غير سبب
هترد عليه بطريقته ولا هتسكت ولا هتحاول تسكته
الطبيعي والي اتعودناه من جمهوركم المحترم جدا انه بيقول الفاظ ....... قبل الماتش واثناء الماتش
وابو تريكة لما حط ايده علي بؤه كان عايز يقولهم اسكتوا عشان هو متوقع منهم كده
ولما اعتذر ده تصرف يدل علي كرم اخلاقه
لانه محترم بيدافع عن كرامته من غير ميغلط في حد
مش زي اللعيبة اللي بتقلع الفوتبول وتشاور للجمهور بيه
ولا زي اللاعب بتاع بوبي اللي انتو وخدينه مثل اعلي
ابو تريكة اللي كنتوا شايلين له كل الحقد ده رجل عصامي مأنكرش اصله ولا تعالي علي الناس ولا نسي دينه وبلده وناديه وهو بره مصر
ابوتريكة الي ملك قلوب المصريين والعرب والافارقة عشان اخلاقه العالية الي صعب تشوفوها عند حد تاني
عشان كده طبيعي ناس كتير تغير وتحقد وتكره
بس هنقول ايه
ربنا يهدي