شبـــكة تـيـفـا نت - عرض مشاركة واحدة - ابتاه :: صــارت همومى , لا تذوب .. بركعتيــــــن

**totaaaa** · 2008-09-14, 02:53 AM

محمد علي من جديد يا هلا يا هلا يا محمد
نورت المنتدي من تاني

بصراحه موضوعك جميل ومش عارفه اقولك ايه
بجد لا تعليق

حادثه الدوقيه ديه كانت هناك في مهازل من الأهلي والحكومه
عايزه اقولك مفيش ولا عائله خدت شقق اللي قالت عليها الحكومه

وعلي فكره يا محمد عايزه اقولك سبب الحادث الدويقه هو ان الحكومه كانت بتعمل طريق داخل الجبل وده اللي خلي الجبل يقع علي البيوت وكمان لو لحظت كمان ان كمان افراد الشعب هما اللي كانوا بينقذوا اللي تحت الأنقاض والحكومه كالعاده بتيجي اه بس الأشارات اللي بتقبله كتير كان الله في العون

وبعد ما الجبل وقع قالك ثمن الميت 1000 جنيه والمصاب 500 جنيه يااااااه يلي حياه الأنسان بقيت رخيصه قوووي بقيت ب 1000 جنيه يا بلاش والله

وكمان قالوا كل عائله ليه شقه من الحكومه اكتر من 5000 شقه وفي الأخر اتكتبت نص الشقق لأصحاب النفوذ

اصلا البلد بقيت غريبه
ولو كتبنا عن اللي بيحصل فيها هتحتاج ياااااام من الأيام

وحادثه مجلس الشعب والشوري ميحرقش الدم لما ميني يتحرق فيه حجره واحده وبعد كده يتحرق دور كامل وبعد كده المبني كله والحكومه مستنيه ايه ولا عربيات اسعاف ولا مطافي ولا اي حاجه لحد المبني كله ما اتحرق وفضل اكتر من 12 ساعه ولما اطفي ولع تاني تاني يوم لو رحتوا هناك وشوفتوا المهازل وكام بس عربيه مطافي وطائره واحده بس اللي كانت بطفي ومنظر المبني حقيقي وهو بيتخرق تخاف تعيش في مصر

وفي الأخر يطلع المسئول في التليفزيون يقولك اطمئنوا يا أهلي مصر مجلس الشوري سيقام في ميعاده
بالذمه مش يتحرق دمك

اما بخصوصو الأدمان المخدرات ده بقي موضوع كبير وكتر جدا جدا جدا في مصر وللأسف محدش بيعالج طب انا كنت اعرف ان في واحد من الأسر الفقيره كان مدمن ولما حب يتعالج عايزه اقولك ان المصحه طلبت فلوس كتير ولما الأسره مكنش معاها رفضوا انهم يعالجوا ولما راح مصحه حكوميه عايزه اقولك انهم كانوا بيتعالجوا بطريقه بجد احكر من كلاب الشوارع
وكده اقدر اقولك ديه بقيت مصر

اما ادمان الأنترنيت ففعلا بس مش تعميم ان في ناس علي النت عندها هوايه الأشتغاله وبتبقي هوايه وممكون تكلم حد سنين ويطلع في الأخر حد تاني
وفعلا الشات والنت مش بيبقي مضمون في حالات

وعجبتني الجمله ديه قوي

اقتباس:

اعتقد اننا كلنا نعلم ان الصداقه علي الانترنت مهما كنت انت ذكي فقد تصيب وقد تخطا

بمعني

اننا نتعامل مع بعض من منطلق الكلام الذي تكتبه ويظهر علي شاشاتنا

والله اعلم بالنوايا

بجد موضوعك جميل جدا وانا عندي كلام كتير فيه بس كفايه كده بس اكيد هدخل اكتب تاني لان الموضوع شيق جداااا