سراااااااااااب وليس حباً
وهشرحلكوا سن المراهقة فى كلمتين
هو أصعب سن فى حياة كل انسان لأنه بيقتنع بفكرة واحدة وهى انه خلاص كبر وهو صح والناس كلها غلط
وبيفضل ماشى عالمنطق ده حتى يقتنع بعدها بحوالى 10 سنين انه كان مندفع جداً فى تصرفاته وفى طريقة تفكيره
وبيعرف ان الناس هما اللى صح وهو اللى كان طول عمره غلط
كلمة مراهقة لو دققتوا فيها هتعرفوا معناها
لأنها بتكون عبارة عن سن اضطراب ونقطة تحول إلى شخصية جديدة اللى هى هتكون عليها فى المستقبل
مسألة حب المراهقة مسألة أمرها محسوم لأنها ومن الآخر لعب عيال
ولازم كل مراهق يعرف انه مهما كان حاسس انه وقع فى الحبحب لأ ماوقعتش يا سيدى انما انت نفسك تقع
ده كله نتيجة عن الأفلام اللى بنشوفها والأفكار اللى بتتزرع فى دماغنا
.........................
عارف ان الكلمات دى هى آخر كلمات تتوقعوها من واحد مراهق زيى (14 سنة)
لكن أنا متقبل الواقع ومركز على الأيام اللى أنا عايشها لأن كل فعل بعمله فى الأيام الصعبة اللى زى دى
وبتعود عليه هيحدث تغيير كبير فى شخصيتى لما اكبر فلازم أنقى أفعالى وتفكيرى لأن شخصيتى هى اكتر
حاجة لازم أتمهل فى اختيارها
عبدالرحمن...