بسم الله الرحمن الرحيم
والله يا محمد الواحد بيعمل اللى يقدر عليه .. احنا اتكلمنا فى الموضوع ده قبل كدا اما كان المنتدى لسه جديد وكانت الناس اللى معانا كلها متفهمه لأنهم فاهمين إيه اللى بيحصل فى المنتدى
قلنا ياجماعة لو ردك هيزود معلومة رُد, يعنى أفكر كدا قبل ما ارد هل ردى ده هيزود حاجه مفيدة ؟
إذا كان كدا اوك انا هرد واقول رأيى وازود معلومة او أقول وجهة نظر نختلف او نتفق فيها
إنما بصراحة فيه أعضاء اللوقت بعتبرهم كلهم أخواتى ببعتلهم شخصيا وأقولهم ياريت ياجماعه الردود السلبية بلاش منها
يقوموا يزعلوا ويقولوا مش داخلين المنتدى تانى !!
دخولى للمنتدى او عدم دخولى مش هينقص ولا هيزود بل بالعكس هيزودنى انا .. يعنى انا مش بتكلم عليا انا تحديدا
انا نفسى بستفيد اما بدخل المنتدى كل يوم
انا ما احبش الناس تسيب المنتدى وتمشى طبعا لأ .. بس انا نفسى لو سبت منتدى سواء كان هنا او فى مكان تانى هييجى غيرى واحسن منى
والاعضاء هيفتقدونى فترة وبعدين هيلاقوا ناس جديدة هيتفاعلو معاهم وينهضوا بالمنتدى وبالمكان ده عموما وأهى القافلة تسير ..
على العموم ياريت الكل يعرف انه مش بيكتب لحد وإنما انت تكتب لله واجتماعنا هنا له هدف أسمى من زيادة عدد الردود او الرتب لكننا اجتمعنا متفقين على أهداف وقوانين واحده تجمعنا جميعا
إن لم توافق على هذه الاهداف والقوانين ولك قوانينك الخاصة فلا مانع لكن انت بذلك تنشق وتبنى لنفسك مكانا خاصا بعيدا عنا وهذا مالا نريده ..عاوز نبقى كلنا أخوة يد واحدة هدف واحد قانون واحد
واما بقول أخوة يعنى الناس تفهم ان مفيش فرق بين مشرف ومدير عام وعضو انا وكل الادارة فى الخدمة والاشراف ماهوا إلا تكليف ..