انا بصراحه مش عارفه اعلق علي الموضوع لاني لو علقت ممكن مش تلاقوني معاكم بعد كدا
المهم ممكن نقول ان مش ينفع اننا نعيب عليهم ليه بقي؟
عشان اصلا لما المصريين يتهانوا من ولاد بلدهم هيبقي شئ عادي جدا انهم يتهانوا من ناس تانيه
يعني بمعني اخر بدام بيهونوا علي اخوانهم والناس اللي معاهم في بلد واحده واللي شايفين الغلب اللي بيعيشه المصريين ومع ذلك مبهدلينهم ومدينهم علي راسهم
فشئ طبيعي جدا ان اللي بره يعملوا اكتر من كدا
دي حاجه
حاجه تانيه ان لا يمكن ان السلطات تعمل في الاسرائلين حاجه اولا عشان المصالح اللي بينا وبينهم
وبقولها بكل اسي " المصالح اللي بينا وبينهم " تصور بقي في مصالح مشتركه بينا وبين الناس دي ازاي؟ حاجه مستغربه ليها جدا ومش عارفه ليه احنا بنعمل كدا
وثانيا لما بنتكلم بقينا بناخد علي افانا
ثالثا كنت هكتب حاجه بس بلاش بقي خلي الطابق مستور
وطبعا طبعا يعني بشكرك علي طرحك هذه القضايا وبهذا الشكل وبلاش تغيب علينا كتير