بصراحه الحب والصداقه حاجتين مهمين للواحد
بس اكيد لو ليا صديقه اكيد هتحبني واكيد حبي هيكون بيحبني يعني الاتنبن بيحبوني واللي بيحب بجد هيريح اللي بيحبه يعني الاتنين مش هيرضوا زعلي لاني مش هقدر اتنازل عن حد فيهم
اما لو حصل موقف وكان لازم اختار بين دا ودا فأكيد هختار حبي دا لو كان حبي هو "جوزي" لانه ساعتها هيكون الصديق والاخ والاب وكل حاجه في حياتي
ولو كان حب قبل الجواز فأكيد من الطبيعي اني بردو غصب عني هختار حبي ودا اللي بيحصل دايما ومن اي حد ودا لان اي انسان بيحب بيعتبر حبيبه فوق اي حد وهو دايما الصح ولازم نسمع الكلام
مع ان رايي الشخصي لو هتكلم عليا يعني الاصدقاء مش بيتعوضوا لو كانت صداقه بجد واستمرت لسنين ولو حد خيرني بينه وبين صديقتي مثلا هحاول اقنعه لو انا شايفه انها لازم تفضل صديقتي لان دي حياتي وزي ماانا هحترم حياته واختياراته لازم هو كمان يكون واثق في اختياراتي
وكون انهم مش متفهمين مع بعض دي حاجه غريبه جدا لانهم مش هيعيشوا مع بعض اصلا عشان نقرب وجهات نظرهم من بعض
وشكرا علي طرح الموضوع