السلام عليكم ورحمة الله وبركاته
اولا احب اشكر كل القائمين على تلك الحملة
وعلى مجهودهم الواضح
جزاهم الله كل خير وجعله فى ميزان حسناتكم
الحقيقة انا مش لاقية كلام اقوله بعد كلامكم الجميل اللى تميز بالتبسيط
الحجاب مش مجرد طرحة وبس
الحجاب احتشام فى اللبس
وبرضو الحجاب مش مجرد احتشام فى اللبس بل هو احتشام فى الاخلاق ايضا
جميل اما تحسى انك مثال للفتاة المسلمة الخلوقة المحتشمة فى لبسها واخلاقها
تلتزم باللبس الملتزم وقادرة على التعامل مع كل الناس فى الحدود اللى وضعها ربنا للتعامل مع الاخرين
انا عاوزه اقولكم حاجة بس ياريت محدش يفهمنى غلط
لو عاوزه تلبسى بادى البسيه بس البسى عليه جيبه طويلة وواسعة والبادى يكون طويل بلاش القصير القزعه ده والبسى فوقيهم طرحة طويلة
ويا سلام بقه لو تختارى الالوان المتناسقة الهادية الرقيقة
بجد بتكون اخر شياكة
لو عاوزه تلبسى بنطلون البسيه بس البسى عليه حاجة طويلة زى التونيك او الفست الطويل بلاش القصير ده
انا شخصيا بعمل كده والحمد لله رب العالمين مفيش حد بينتقد لبسى الحمد لله
امال الاباء والامهات
مش هقولهم غير اتقوا الله فى ابناءكم وفى شباب المسلمين
ومعا فى الحملة