ناسف لهذا التاخير الغير مقصود بسبب عطل في الجهازالذى يدعى الكمبيوتر
بسم الله ماشاء الله الاراء السابقة تضمنت ما كنت اود قوله ولخصت الموضوع
ولكن هناك نقطة اخرى هامة
ايهما الاسهل هل توجيه الخطاب والنصح الى الصغار مباشرة ام الى الكبار؟
بمعنى ان التعامل مع الاطفال الصغيرين فى الظاهر بيكون بسيط ومش محتاج تعمق
لكن فى الحقيقة التعامل مع الطفل محتاج ذكاء ودقة شديدة وبعد نظر وصبر وهدوء
ومش اى حد هيقدر يتعامل صح مع العقلية اللينة دى والا - من رايي - هيبقى فيها مخاطرة
بمعنى ابسط لو الطفل سال سؤال معين
والكبير جاوب بطريقة غلط او بطريقة ممكن تتفهم غلط او اخطا فى توصيل المعلومة ولو كانت صحيحة
اكيد ده هياثر تاثير سلبي على الطفل
يعنى من الاخر الطفل محتاج معاملة خاصة جدا
واللى يتعامل معاه لازم يكون موهوب وذكى ودقيق وصبور وعنده بعد نظر وتحكم فى نفسه
واعتقد ان ده مش موجود فى الكل
فالاحسن ان اللى شايف نفسه يقدر بقوم بالدور ده يعمله وجزاه الله خيرا
واللى مش هيعرف فالاحسن ان خطابه يكون موجه للكبار
ملحوظة: بالنسبة للاراء اللى اتكلمت عن ان الطفل مش هيقدر يوصل للمنتدى
لا يا جماعة ربنا يخلى عمو جوجل وخالو ياهوو
انا عندى اخت 8 سنين وبتكتب اللى هى عيزاه فى محرك البحث وبتوصل للجن الازرق
وحتى لو مش هيوصلوا
فى ناس كبار معاهم فى البيت بيوجهوهم
وبيقولولهم شوفوا ده واسمعوا ده ويساعدوهم فى الوصول للحاجات دى
لان مش معقول الطفل هيعد على النت كده من غير رقابة ولا توجيه ولا تقنين من الكبار