موضوع محظور , لمن يجرؤ فقط , تحدى لكل القوانين , تحدى لكل الاوضاع الغلط والظواهر اللى مش راضيين عنها , تحدى للخجل , تحدى للجبن , رافعين شعار مش هنخاف مش هنطاطى , إحنا كرهنا الصوت الواطى , فى محاولة تيفاوية لجعل القسم أكثر فاعلية .
ملحوظة :
الموضوع يحتوى على كلمات خارجة ليس الغرض خدش الحياء ولكن لزيادة فاعلية الموضوع الذى يشغل الجانب الأكبر من الحياة والحياء فى هذا الزمان وآسف على مجمل الكلام ولكن أتمنى إثارة ضجة لهذا الموضوع الخطير والشائك .
المعاكســــــة
فى كتير مننا بيشوف يوميا فى الشارع المصرى المعاكسات والتحرش بين الجنسين ليه ؟ إحنا الحال وصل بينا لكدا ومنقولش الشباب بيفكر كدا لأن دلوقت اصبح الكل بيعاكس الكل حتى الشيخ العجوز بيعاكس .
فى ناس مننا بتقول الشباب بيعاكس ودا بسبب الحرمان او الغيرة او الحقد على الغير ان مثلا فلان بيكلم بنات وهو لاء او ان مثلا غيرة عنده امكانيات احسن منه او ان مثلا هو عنده عقدة نفسية او يمكن بسبب البطالة .
الحقيقة ياجماعه محدش بقى عارف العادة اليومية دى سببها ايه , فى ناس بتقول علشان البنات واللى بيلبسوة والمحزق وغيرة طيب دلوقت حتى البنت المحجبة وبتتعاكس .
" ياسلام عليك وانت مخبى جمالك كدا "
" بقى الجسم الحلو دا يستخبى كدا "
المعاكسة دلوقت وصلت للمنقبات
" ايوة ياحلو يامتدين انت ياراسى "
" ياترى الحلو شايف الطريق ولا يجى يتمشى معايا اوصلة "
____________________
اى ولد دلوقت بقى بيشوف بنت بقت معروفة
العبارات الى بيقولها
يامزة - ياشديد انت - متيجى نقضيها سوا - الحلوة رايحه على فين
ودا للمبتدئين , حبة حبة وتلاقى بدأ الكلام
على الجسم والمفاتن
البت اللى هناك دى جثة صح
البت اللى ماشية دى عليها ....... ملهاش حل
البت لابسة بنطلون يخلى الواحد ......... يااااااااااااابنت الـ......
وفى الاخر بتوصل البنت نفسها للملامسة وبسبب لبسها دا بتشجع على التحرش بالعنف حاجات بقت يوميا بتحصل ونشوفها فى اى مكان ودا مش بيختلف من مجتمع لمجتمع , بالعكس نفس الفكر ونفس الاسلوب الهمجى ونفس طريقة التطفل بتحصل لاى مجتمع واى فئة ولكن كل على اد مستواه .
كانت المعاكسات فى بادية الامر تتخذ كلمات رقيقة للدلالة على اعجاب الولد بجمال البنوته مثلا , انما دلوقت وصل الامر الى التجريح والاهانه والوصف بمفاتن الجسم
ــــــــــــــــــــــــــــــــــــــــــــــــــ ــــــ
لأ وايه
الحال وصل فى مجتمعنا
ان البنات هي اللى بتعاكس الاولاد 
ياترى الحال دا هيستمر لحد امتى
وايه اسباب الظاهرة دى
واية علاجها
وياترى هيجى يوم وتنتهى ولا لاء ؟
محاولة تيفاوية لجعل القسم أكثر فاعلية إنضم لينا
رأيك انت حر فيه قد يكون صح قد يكون غلط مش مجبر انى اكون انا وانت لينا نفس الرااى مش هفرض رأيى عليه ولا هتفرض رأيك عليا هنتناقش هتقول انت شايف الامور ازاى .. وانا شايفها ازاى وف الاول والاخر كل الاحترام ليك ولرايك يعنى مفيش تعصب ومفيش اعتراض جامح مفيش كلمات جارحه .
اتمنى اسمع أرائكم وردودكم بكل صراحه 
hgfj ]n l.m ,[slih lg,a pg K hgfk'g,k logdih whv,o >