الذنب كان ذنبى يوم ما افتكرتك نصيبى
وقت ما كنت جنبى و انت بتسبب لهيبى
لما سلمتك قلبى و كنت فاكرك طبيبى
و كنت دايما باخبى كل الآمى و تعذيبى
و كان يعلم ربى انك وحدك حبيبى
ذنبى انى هاويت غدار و حبيت من غير تفكير
رميت روحى وسط نار كل شئ فيها مرير
و مشيت ويا التيار و بقيت للعشق أسير
دوقت الويل و المرار آسيت و اتألمت كتير
و لف الزمن و دار ملقتش لحبى مصير
بينى و بين نفسى حزين حقيقى و ندمان
صوتى و صمتى و همسى اتعودوا خلاص ع الكتمان
انطفت و اختفت شمسى
و دبل ورد البستان حتى الدنيا مشت عكسى
و معدش للزمن امان إزاى اتغلب على يأسى
و فين ألاقى كاس النسيان حاولت اقيد شمعتى
و قلت أعيش خالى بصيت لاقيت دنيتى
جاية تهد آمالي رضيت بنصيبى و قسمتى
الزمن ماعجبهوش حالى غيرت طريقى و سكتى
ونسيت سهر الليالى دفعت تمن غلطتى
لكن التمن كان غالى الحنين جوايا اتسجن
و بدأت فعلا انساك اخترت أعيش فى شجن
ارحم من وجودى وياك زيك زى الزمن