انا مش هضيف كتير على كلام اخوانى الاعضاء لانهم ردوا ردود مش ناقصة اى تعقيب وده اللى خلانى من بداية الموضوع متابعة دون تعليق لان ماشاء الله شوفت شباب ناضج بجد يبشر بالامل
وكنت فرحانة جدا ان اتجاهاتنا فى النقاش كشباب اتغيرت واتوجهت نحو القضايا الفقهية والاراء التى تخص ديننا الحنيف
لكن للاسف النقاش اخد طريق تانى خالص وفى اشخاص بدأت تحول النقاش الى عداء لتصل لفرض رأيها على الاخريين وده طبعا غير مطلوب فى اى نقاش وخاصة عندما يكون هذا النقاش والاختلاف فى قضية فقهية اختلف فيها العلماء يبقى كل واحد يعرض رأيه اللى مقتنع بيه ومن حق كل واحد يقبل الرأى الاخر او ينقضه
لكن ان يقلب النقاش الى هذا الحد فدى حاجة غير متوافقة مع تعاليم دينا وان كان ممكن ده من منطلق الغيرة على دين الله وشرعه ولكن هذا ليس مبرر على الاطلاق
وربنا يهدينا كلنا لما يحب ويرضى