اقتباس:
المشاركة الأصلية كتبت بواسطة mandozzz
اخى فى الله
لا اسالك شئ غير ان تترك فكر المواجهه فى الحوار فلسنا اعداء وانما نحن جميعا مسلمون نخاف على ديننا ونبغى الصلاح وكل له وجهه نظره
والهدف من حوارنا فى النهايه ليس ان اى منا يقتنع بفكر الاخر
ولكن ان نجد الطرق التى تعيد هذه الامه الى طريقها الصحيح
فكرك احترمه واقدره وهذا اساس الحوار
|
اضافة على الكلام السابق
انا شايفة ان الاخ مصطفى بيفسر الكلام بمعانى تانية هو عارف انها مش المقصودة
انا دلوقتى مش داخلة اتكلم عن قضية الاغانى الدينية والوطنية لانها مش شائكة للدرجة
انا عايزة اقول بس ان الحوار فى الاسلام وخصوصا فى حاجة متعلقة بالدين ليه ضوابط واداب
والمناقشة اخد و رد لان مفيش حد كلامه مسلم بيه
حتى العلماء الكبار بيختلفوا واختلافهم رحمة مش استهزاء واستهانة بالراى الاخر
لدرجة ان الامام الشافعى نفسه لما حد كان بيخالفه كان بيقول رايه صواب يحتمل الخطأ ورايي خطأ يحتمل الصواب
المناقشة مش كده يا اخ مصطفى
ومش المفروض لما تلاقى حد بيناقشك او بيخالفك تمشى وتسيب المنتدى
لان ده معناه انك كنت عايز الناس تاخد كلامك من غير بحث ولا تدقيق
والهدف من المناقشة الوصول للحقيقة مش انى العب فى الفاظ اللى بيناقشنى عشان اطلعه غلط
انا احترمت جدا غيرتك على الدين وحسن نيتك ونصيحتك للناس بس للاسف طريقتك مش صح
لان دى مناقشة مينفعش فيها احتكار لازم اسمع الناس واناقشهم بالطريقة اللى بتمنى يعاملونى بيها
وكمان مش من حقك تقلل من شان الاستاذ عمرو خالد حتى لو كنت مختلف معاه فى حاجة
من حقك تختلف وتناقش وتعارض لكن مع احترامك للطرف التانى لانك ممكن انت اللى تكون غلط وهو الصح
بسم الله الرحمن الرحيم
﴿يا أيها الذين آمنوا لا يسخر قوم من قومعسى أن يكونوا خيراً منهم)
صدق الله العظيم
ياريت متخدش كلامنا على محمل العداء
انت اخ محترم ومقدر من الجميع واننا نخالف بعض ده مش غلط
لاننا كلنا بشر وبنخطا وبنحاول نصلح بعض
ويارريت ملاقيش فى رد تانى تفسير غلط لكلامى او تلاعب
بس فى النهاية عايزة اقول اخر حاجةكل كلام لا بد فيه من الاخذ والرد الا القران والسنة
فقط الذكر الحكيم والسنة المطهرة
واى كلام اخر يحتمل الصواب والخطا والاخذ والرد