شبـــكة تـيـفـا نت - عرض مشاركة واحدة - حملة حماية (stop Drugs... Change Your Live وقف المخدرات غير حياتك)

**فجر الاسلام** · 2008-03-17, 02:13 AM

اقتباس:

عرضت الموضوع على من يفوقنى خبره وسن ويمكنه توصيل صوتى لرئيس القطاع حتى يتم الامر

فقال لى

مهلا

لا بد ان تنظر لبعض النقاط

لدينا فى المشروع نوعان من الناس

هناك المهندسين ويقطنون المبنى الادارى وهناك الفنين ويقطنون الورش

اذا قررت وضع اعلامه فى كل مكان

من المستفيد

بنظره اخرى

لو وضعت تلك الصوره لنا معشر المهندسين فستجد ان رد الفعل لن يتجاوز الشكر على الفكره الجميله

على الطرف الاخر معشر الفنين اذا علقت تلك الصوره فى كل مكان يجلسون فيه وبينهم من يشرب المخدرات وهذا اكيد فهل تعتقد انه قد يغير

ساقول لك ماذا سيرد الفنى بعقليته على صوره كتلك

ان تلك الحمله وتلك الصور وما يحدث من خطوات تهدف الى علاج الناس ولاد الناس الكويسين اللى بيشربوا المخدرات مجرد انهم معاهم فلوس زياده او علشان واحد خسر حبيبته او سبب هايف وسهل نغير رايه

اعتقد ان دى وجهه نظر سلبية

معنى كلامه ان اللى بيدمن خلاص ليس له حق فى العلاج ملهوش حق اللى هو يتغير

ربما دى تكون وجهه نظره لان هو لم يشوف مثال حى امامه

اقتباس:

لو وضعت تلك الصوره لنا معشر المهندسين فستجد ان رد الفعل لن يتجاوز الشكر على الفكره الجميله

يا سلام

طب ليه مفكرش ان ممكن ده يكون اللى فى الظاهر يعنى هو هيقولك فكرة حلوة وممتازة

لكن جواه لو هو مدمن يكون حس ان هو وحش

وطبيعة بشرية فى معظمنا ان احنا نعمل الوحش بس منحبش يتقال علينا وحش

بص يا ماندوز
لو انا واحد زميلك فى العمل ومدمن ومحدش يعرف بكده

وجت انت لزقت الاستيكر بتاع الحملة هشكرك طبعا
غير كمان الاستاذ عمرو خالد بيلف على معظم القنوات غير ان كتير من المنتديات حاطة الشعار

اكيد ممكن هفكر وممكن احس انا وحش وانى عيب عليا انى مهندس وفى مركز محترم واكون مدمن

مش معقولة بقه هعمل فرح وهليله واقول انى هروح اتعالج من الادمان

يعنى مفضحتش نفسى وانا مدمن هفضح نفسى وانا بتعالج

الظاهر حاجة والباطن حاجة

وبعدين يعنى لو انا مدمن اول اما اشوفك بتحط الاستيكر هقولك انا رايح اتعالج

اقتباس:

ساقول لك ماذا سيرد الفنى بعقليته على صوره كتلك

ان تلك الحمله وتلك الصور وما يحدث من خطوات تهدف الى علاج الناس ولاد الناس الكويسين اللى بيشربوا المخدرات مجرد انهم معاهم فلوس زياده او علشان واحد خسر حبيبته او سبب هايف وسهل نغير رايه

مش المصايب اللى فوق دماغ العامل ومش لاقيلها حل غير بالنسيان

بضو ممكن نقول نفس الكلام اللى فات

وبعدين يعنى الاستاذ عمرو خالد صوته اتنبح فى كل القنوات ان الموضوع فى جزء مجانى للفقراء اللى مش قادرين على العلاج

وفى خصم

انا وجهه نظرى مش مع وجهه نظر رئيسك فى الشغل لان معنى كلامه اننا نشوف الغلط

اقتباس:

فكرت مليا فى وجهه نظره

افكار اخرى بدأت تتداخل فى عقلى

هل اجعل الحمله ضد المخدرات فقط

اردت فى البدايه ان اجعلها عن كل تصرف خاطئ

اردت ان اجعلها لمن يشرب المخدارب والسجاير وكل ما يذهب عقل الانسان ولو ثوانى

الحماس الايجابى شىء حلو

بس توظيف ذلك الحماس هو اللى معندناش فيه خلفية

بص صعب انك تغير سلبيات مجتمعك كلها مرة واحدة

لازم واحدة واحدة

وبرضو الموضوع مش هيتغير فى يوم وليلة لازم الصبر

بس كلمة وانا مالى هو انا اللى هغير الكون دى بقه منتهى السلبية واللامبلاه

واعتقد ان دى الكلمة اللى قالهالك رئيسك بطريقة غير مباشرة

اقتباس:

لن افرح بان يقال ان فلان فعل خير ويتبنى حمله لكذا او لكذا مدام من يقول ذلك ليس المقصود بالحمله

طبعا اكيد دى مش حاجة تفرح

بس اما تبص على نتايج الحملة ساعتها تقرر انك هتفرح ولا لا

تفرح ساعه اما تحقق نتياج روعة

تزعل لو فشلت

اقتباس:

اذا اردنا اصلاح حقيقى فلنجعل دستور عملنا ليس فقط اظهار المشكله ولكن لابد من التفكير ايضا فى الحلول التى تناسب المشكله

كل واحد فينا

فى بيته

فى الشارع

مع زمايله

فى الجامعه

فى شغله

كل واحد فينا بيقابل ناس مدمنين او لديهم تصرفات خاطئه

حاول معاهم

شوف مشكلتهم من ايه

شوف علاج اخر

حاول تنصح

حاول توجه

كله يتحرك فى الطبقه اللى شايف انه ممكن ياثر عليها

تعرف بقه ان دى مشكلتى انا

انا شايفة فى منطقتنا ناس مدمنه وناس بتاجر وللاسف اللى طالع موضه الايام دى ان انضم لهم بنات بتاجر بيستغلوا عدم وجود باباهم ويتاجروا

عارف انا اصلا مليش كلام مع دول
لو كان ليا كلام معاهم كنت هقولهم
لان مثلا لو حد بيشرب سجاير من قرايبنا كنت بكلم معاه
بس الناس دى مليش كلام معاهم خالص

ثانيا لو انا اتكلمت معاهم هلاقى امى وابويا بيمنعونى
ومش بس هم
لا ده جيرانى كمان هيقولى متكلموش معاهم

عارف لو كلمتهم ممكن هم نفسهم يعدوا يزعقوا و ممكن يطلعوا اشاعات

ربنا يهديهم

عارف انا لو حد متعودة عليه ممكن اقوله لكن معرفهوش متهيالى اخلى حد كبير هو اللى يقوله ساعتها احتراما للكبير ممكن يسمعله

يارب اهدينا واحفظنا