اقتباس:

1- عايزه اعرف رايك في المرأه بكل صراحه ؟؟؟؟؟!!!!!

بدونها لا تكتمل الحياه ويجب دراسه عيوبها بدقه جتى لا نتصطدم بالواقع حين التعامل معها يعنى ببساطه المراه كشكل خارجى كانها كريزه الحياه ولكن عند التعامل عن قرب معها نبدا فى رؤيه عيوبها لذلك لابد عند النظر اليها ان نرى عيوبها حتى لا نتصطدم بشئ اخر حين نتعامل معها عن قرب

اقتباس:

انا عارفه ان سؤال رخم بس اصلي حاسه انك عندك عقده وعايزه افكه

لو رديت هتفهمى وانا مش عايزك تفهمى

اقتباس:

2- بماذا تحلم في المستقبل ؟؟؟؟ وهل تسعي لتحقيق ذلك ؟؟؟

الحلم كما سبق انا زكرت احتفظ بيه لنفسى لحين تحقيقه

وبالطبع اسعى لتحقيقه

اقتباس:

3- مين اكتر عضو زعلان منه في المنتدي غيري انا ( حد تاني يعني ههههههه) ؟؟؟؟؟؟

زى مقلت مش بزعل غير من العضو الموقوف لانه اكيد عمل تصرف يزعل

اقتباس:

3- اعطي نصيحه لأعضاء التالي

ايناس

اقتلى توتااا لو شفتيها



لوست انجيل

الصبر مفتاح الفرج اصبرى على ابتلاء ربنا لغايه البكالريوس بعدها هتلاقى الدنيا بمبى



اميره

خليكى زى منتى كده يعنى احتفظى بشخصيتك كما هيا


فجر الأسلام

ابعدى عن طريقى احسنلك. نهايتك قربت

رامي

لسه مش ناوى تعمل اللى اتفقنا عليه بقى انا زهقت

خالد

يارب تكون بخير وقريب من الصراط المستقيم


احمد فيب

نفس الرد السابق

ويب كراكر

نفس رد اميره بس حكم عقلك شويه فى بعض خطوات حياتك

عاشق الجنه

لسه بدرى اوى يا احمد . اسمع كلامى

توتااااااااا

متركبيش المترو تانى علشان انا قررت فى فتره امتحاناتك هشوف المترو بيتغذى من اى محطه كهرباء واتصل بيهم يقطعوا الكهرباء على المترو علشان تغنى ظلموه يوم الامتحان كل ده علشان رد لجميلك فى الموضوع ده

اقتباس:

واليك نصحتين مفتحوين لمن يهدي النصحتين وماذا تقول لهم ؟؟؟؟

للعالم : لا تغدر ولا تخون ولا تخدع

لنفسى : حاول ان تصلح من عيوبك

اقتباس:

4- لو رجع بيك الزمن ايه الحاجه اللي هتعمله وكان نفسك تعمله بس نصيبك مش ساعدك ؟؟؟؟

للمره التانيه قدر الله وما شاء فعل

الحاجه اللى كنت عايز اعملها انى اخش اتصالات بس ربنا قدر الكهرباء االحمد لله بعد التخرج لقيت ان الكهرباء اجمل

اقتباس:

فهمت السؤال ولا لأ اصلي بصراحه مش فهمها السؤال

انا فسرته بالطريقه اللى تعجبنى

اقتباس:

5- التضحيه والحنان والحب تمثل ايه بالنسبه لمحمد ( مندوززز ) ؟؟؟

اكيد بتمثل الشخصيه اللى هرتبط بيها

اقتباس:

6- ماذا تحب تسمع من الأخرين عنك ؟؟؟؟

النقد الموضوعى يعنى العيوب الحقيقيه

اقتباس:

7- هل تنتظر مقابل من الذين تحبهم ولا ؟؟؟؟

اول صفات الحب = التضحيه يعنى اعمل الخير وارميه البحر لو حد انتظر مقابل من حاجه عملها للى بيحبه يبقى مش بيحبه

اقتباس:

8- ماهي الصداقه الحقيقه في نظرك ؟؟؟؟

تمنى الخير- المشاركه فى الاحزان - تدوم مع طول الزمن

اقتباس:

9- عرفت انك مجربتش تعجب وترتبط بحد عايزين كلنا نعرف ليه عشان لو عندك عقده أنا خايفه عليك ؟؟؟؟؟

طب انا عايز اعرف بقه عرفتى منين

لما تردى على سؤالى هرد على سؤالك

اقتباس:

10 - هل جرحت حد في يوم ( اصحابك - اخواتك كده يعني ) ولحد دلوقتي بتندم انك جرحته ) ؟؟

لو حصل ياريت يسامحنى
وعلى فكره لو حد جرح حد صعب يعيش وهوا حاسس ان الحد ده مجروح منه

اقتباس:

11- ماذا تمثل الحياه بالنسبه لمحمد ؟؟؟؟؟

بوابه للاخره

اقتباس:

12- ما رايك وبصراحه في حلال العقد ؟؟؟؟

قسم فكرته ممتازه بس تقريبا كل مره حد يخش لو كان عضو معانا بنعرفه بس ما علينا الفكره بجد ممتازه جدا وهيا المشاكره فى ايجاد حلول لبعضنا مشكلته ان الناس بتخاف وعلى فكره مشرفته كانت فى احد الردود فيه قالت جمله كده استوقفتنى بس قلت مش مشكله مدام الموضوع نفسه بيتكلم عن المشكله دى بس طبعا ده مثال ان حتى المشرفه اوقات بتخاف تحط مشكله خاصه بيها

اقتباس:

14 - ماذا تحب في تيفا ؟؟؟؟ وهل انت مشترك في منتديات اخري ؟؟؟

لو حد عرف سر الحب لظهرت ملايين المصانع التى تنتجه

حب الاشياء لا سبب له
ممكن تقولى راحه نفسيه

بس هقلك حاجه اكتر حاجه شدتنى فى تيفا هوا الجو الاسلامى يكفى انه مش زى باقى المنتديات التى تهدف فقط لجذب الاعضاء من اقسام اغانى وافلام بل والظاهره الجديده المنتشره الافلام الخاصه

الحمد لله ان تيفا يتميز عن كل دول بانه لا يحتوى على كل تلك المهاترات

وبالطبع مشترك فى منتديات اخرى لانه مهما كان لازم اطلع على مواضيع جديده من اكثر من مكان ولو عجبنى موضوع بنقله هنا

اقتباس:

15- بتعمل ايه علي النت ؟؟؟ وايه اكتر حاجه بتحب تعمله علي النت ؟؟؟

زى مقلت قبل كده بدور عن اى حاجه وكل حاجه سؤاء شغل او معلومه او برنامج او لعبه حتى بشوف المواقع الرياضيه بخش على تيفا كده يعنى

اكتر حاجه احب اعملها انى اقعد كده فى المنتدى العام امخمخ فى موضوع او اجيب موضوع جميل واحط تعليق عليه او حتى اتناقش مع حد فى اى موضوع مطروح للنقاش

اقتباس:

16- من اكتر الناس اقرب الي قلبك ( مفتوح عايزه اي شخصيه )

كتيييييييييييييييييييييير

اقتباس:

17 - ايه رايك في حياه الجامعه ؟؟؟ بما انك كنت في جامعه القاهره علي ما اظن!!!!!!

حلوه على ما اظن دى

اتفضلوا شوفوا الكليه بتاعتى عملت فيا ايه علشان محطوطه بره الحرم الجامعى جه اليوم الل توتا تقلى فيه على ما اظن

هزلت وزبلت كمان

المهم بصى فى الايام بتاعتى اللى هيا اتغيرت عن دلوقتى لانى لما بروح الكليه بلاقى حاجات غريبه

ما علينا

المهم

على ايامى كانت الجامعه مقسومه
الحرم الجامعى 70% ولاد وبنات فى الشكل المعروف لينا كحياه جامعه وال 30% هما الملتزمين دينيا

وكليتنا كانت الحمد لله نفس النسب بس معكوسه يعنى 70 متدين و30 العكس

وكلمه تدين ممكن تقولى ولد يحافظ على صلاه الجماعه

او علاقته بزميلاته لا تتخطى الكلام عن العلم

الطرف الاخر كمثال نظام هاى وباى والسيجاره وهنخرج فين بالليل

البنت
هتلاقى المتدين اللى هيا لابسه زى محترم تعاملها باحترام مع زميلها الولاد وبرضه الكلام مقتصر على العلم فقط

الطرف الاخر

هاى وباى برضه واللبس اللى انتى اكيد شايفاه لانه مش يختلف من جامعه لاخرى والهزار بالايد مع الشله اللى اكيد معظمها ولاد وطبعا مش مشكله نسيب محاضرات مدام قاعدين مع الشله

وللاسف كليتنا لما دخلتها لقيتنا دلوقتى اصبحنا كنسبه الحرم الجامعى . المهم ربنا يستر على الجيل ده لانى عندى مثال حى

جيل التمنينات اللى كانوا بيلبسوا فوق الركبه والمنظر من 5 الى 6 سنين

التطور الحمد لله كان للافضل

من 5 سنين بقه بدأت مرحله هبوط اخرى وبدل ما البنت تلبس عريان بقت تلبس ضيق وتظهر مفاتنها بس من تحت اللبس ومش مشكله الاحمر والاصفر فى الوش الخ



غاااااااااااااااااااااااااااااااامض غامممممممممممممممممممممممض غغغغغغغغغغغغغغغغغغغغغغغغغامض غامضضضضضضضضضضض شخصيه محمد عامضضضضضضضضضضضضضضضضضضضضضضضضضضضضضضضضضضضضض

اقتباس:

19- السؤال ده سريع وصريح ؟؟ بتفكر في ايه دلوقتي؟؟ بسرعه

هفطر امتى اصل ميعاد فطارى قرب قبل مروح الشغل

اقتباس:

20- تعمل ايه لو حد خانك ماذا يتصرف محمد في هذا الموقف ؟؟؟

بيتشطب من حياتى