اقتباس:

ايه الى بتعمله على النت؟؟

زى منته بتعمل يعنى هعمل ايه يعنى متابعه اخبار والمنتدى وشويه برامج والعاب لما يجيلى مزاج

اقتباس:

عمرك قرأت كتاب ؟؟وكان ايه هو اخر كتاب؟؟

زماااااااااااان كنت مش بسيبه كنت اخلص واحد ادور على تانى او اقرا واحد قديم

اخر كتاب ممكن لانه الوحيد اللى مش بيفارق غرفتى اللى هوا كتاب قصص الانبياء

اقتباس:

بما انك راجل بقا كبرت على الجامعه وخلصت منها (عقبال الناس كولها ياااارب ) قولى بقا اكتر حاجه بتعجبك فى الجامعه ؟؟

الصحوبيه

بجد عمرك مهتشوفها تانى بالمنظر ده اصحاب الجامعه هما اللى بيعشوا فتره اطول من الباقى سؤاء دراسه او شغل

لانك لو غيرت شغلك بتنسى اصحاب الشغل القديم لكن الجامعه حاول متبعدش عنهم لان احلى حاجه فى الجامعه الاصحاب اللى طلعت بيهم

اقتباس:

موقف محرج حصلك فى الجامعه ؟؟

مش هعيده وازيده

كان فى مناقشه data sheet لماده ال power electronic والدكتور قالى انته لا تصلح ان تكون مهندسا

بس ربنا رد اعتبارى فى النتيجه فى الفينل وجبت تقدير جج

اقتباس:

اوصف لينا شكلك فى اول يوم داخل فى المدرسه يووه قصدى الجامعه ؟؟؟

كنت لابس بنطلون ابيض باجى وقميص اسود وتايه ومش عارف حاجه وفرحت لما لقيت شله زمايل المدرسه اللى دخلت معايا الكليه ودخلنا شوفنا الجداول وطلعنا على محاضراتنا ولحظى كنت لوحدى رحت محاضرتى لقيت نفسى فى الصف التالت او الرابع من ورا وباقى المدرج مليان
الدكتور دخل وبقين مش فاهم حاجه منهم وكلمتين مع اللى جنبى و.......شكرا مش فاكر الباقى

اقتباس:

موقف حصلك وانت صوووووغير ومش ممكن تنساه؟؟؟

لما اتفقت انا واخويا نتهرب من التوبيس المدرسه وناخدها مشى وقد كان

طبعا مع قلق والدى ووالدتى على تاخرى وعدم مجئ فى الاتوبيس

طبعا متوقع المنظر لما روحت انا وهوا

اقتباس:

ايه اغرب حلم شوفته ؟؟؟(وانت نايم طبعا مش عاوزيين ذكاوه )

تقريبا كل احلامى لسنه وشويه فاتوا كان غريبين لانى كنت بسافر بين العوالم والاماكن الاقى نفسى فوق براكين وفى اعماق المحيطات

اقتباس:

ايه اكتر حاجه بتعصبك فى الدنيا دى؟؟؟

لما اجى اكلم واحد بالعقل ويقلب الموضوع هزار علشان موضحلوش غلطه
ضيف لكده الناس اللى فاكره نفسها روشه دول بقه يعصبونى بشده الولاد اللى شايفين نفسهم روشين وعايشين الدور

اقتباس:

وايه هى الكلمه الى لو حد بتعصبك من الى قداااااااامك ؟؟

ممممممم مش عارف هشوف كده

اقتباس:

غلط عملته فى حياتك ومعرفتهوش الا متأخر ؟؟؟

مش فاهم

اقتباس:

قول لينا على موقف حصلك وحسيت فيه بعزه نفس جامده ؟؟؟ وموقف اخر بقيت بتتمنى ان انت مكنتش فى المكان ده فى الوقت ده اساسا؟؟؟

يوم النتيجه بتاعت البكالريوس

الموقف التانى هوا نفسه موقف الدكتور اياه
نظرتى لهؤلاء الاشخاص تختلف عن نظره الباقين لهم فاحتفظ بالوصف لنفسى

اقتباس:

ايه المستحيلات الثلاثه بالنسبه ليك ؟؟(يعنى متيجش تقولى العنقاء والحاجات الاصليه )

لا يوجد مستحيلات فى دنيتنا

اقتباس:

ماذا تعنى الصداقه بالنسبه لك؟؟

كلمه تطلق كثيرا دون فهم معناها الحقيقى

اقتباس:

ذكرى محفوره بداخلك هل لنا بمعرفتها ؟

لا ملكش فيها
زكرى الانسان خاصه به

اقتباس:

نيجى بقا لشويه اسئله هزار ورخامه يعنى من ده على ده اول منتدى سجلت فيه؟؟؟

www.springsong.net

الله يرحمه بقه


ايه رايك فى منتدى تيفا؟؟

مش انا اللى اقول اعضائه اللى يقولوا

اقتباس:

انت بتحب العيشه الروشه ولا الكلاسيك؟؟؟

طبعا الكلاسيك دانا بتنرفز من الروشه

اقتباس:

لو بقا معاك مليون جنيه هتعمل بيهم اييييييه؟؟(وابقى افتكرنى بخمسه جنيه حته )

لو جايلنى من شغلى اكيد هامن مستقبل اسرتى والتبرع بجزء منها

لو جاتلى نظام مسابقات وكده يبقى ان شاء الله اتبرع بيها كلها

اقتباس:

اكتر اكله بتحبها ؟؟؟ وايه احسن مشروب بالنسبه ليك؟؟

المكرونه البشاميل وعصير المانجوووووو

اقتباس:

اكتر شخص بتابع مواضيعه فى المنتدى ؟؟؟

للمره التانيه محمد على

اقتباس:

اللون المفضل عندك؟؟؟؟

اللون اللى انا برد بيه

اقتباس:

ايه اكتر حاجه شاغلا بالك اليومين دول ؟؟

ملكش فيه

اقتباس:

وانت صوغير كنت تخاف من ايه ؟؟ ولما كبرت بقيت بتخاف مني ايه؟؟؟

كنت وانا صغير متعقد من الكلاب

لما كبرت بقيت بخاف من سؤء الخاتمه