تصدقوا بالله

انتوا ملكمش الا انكم تقعدوا فى بيت ابوكم احسن

وطبعا الموضوع محدش هيرد عليه الا البنات


يا عينى على الكبت


منا ممكن اعملكم موضوع الفرق بين ماما والزوجه

كفايه اخش على ماما المبخ اقلها عايز اكل تقلى طب خد اتصبر او هعملك حاجه تاكلها دلوقتى قبل الاكل

لكن لو دخلت على الهانم هيكون الرد : بقلك ايه متعصبنيش انا لسه جايه من الشغل او تعبانه من شغل البيت شوفلك حاجه تاكلها عقبال ما ابدأ عمل الاكل مش عجبك انزل اشترى اكل من بره

المهم نحلل الموضوع نقطه نقطه

اقتباس:

مع بابا.. دخلتى المطبخ ما دخلتيش .. كله واحد وممكن باباكى يساعدك

مهو طبعا خايف على نفسه لتعكيله الاكل

اقتباس:

انما مع جوزك ..مش بمزاجك .. ها تدخلى .. هاتدخلى

مهو علشان هتكونى قدره وربنا يقويه على اكلك

اقتباس:

مع بابا .. فى العيد بيديلك العيديه وفوقيها بوسه ..

مهو علشان يستريح من خوتت دماغه فى العيد وتخرجى وتسيبيله البيت

اقتباس:

لكن مع جوزك .. بيقول انت خلاص كبرتى على الحاجات دى

يعنى عايزه يكون عندك ولاد ويديلك هديه ؟؟؟ وهتعملى بيها ايه يعنى

اقتباس:

مع بابا.. بتنامى وتصحى وقت ما انتى عايزه ..

صياعه كمان الله يرحم ايام الامتحانات

اقتباس:

مع جوزك .. وقت ماهو عايز .. او مع مواعيد شغله.

لا المفروض انه هوا اللى يعمل الاكل لنفسه

اقتباس:

مع بابا.. بتشترى هدومك ومكياجك وكل اللى انتى عايزاه .. ويقولك حلو قوى عليكى

امال يعنى يقلك الحقيقه بان زوقك زى الزفت وتقلبيله البيت نكد

اقتباس:

مع جوزك .. بيشترى لك برضه .. لكن ما قل ودل .. ويقولك .. فلوووووووووووووووووسى والمرتب

الزوجه الشاطره اللى تقدر ظروف جوزها وتجيب الكويس بالسعر المعقول

اقتباس:

مع بابا لو حصل حاجه مثلا و كنتى زعلانه .. بيزعل عشانك ..

لانك ببساطه بتقلبيه البيت مناحه فلازم يزعل يعنى منتى منكده على البيت كله (مجبر يعنى)

اقتباس:

مع جوزك .. بيزعل منك .. ويلومك ازاى تزعلى اصلا

لا فعلا غلطان الراجل هيلاقيها من الشغل ولا من دلعك وزعلك فى الامور الهايفه

اقتباس:

باباكى .. كلمه حلوه ترضيه ..

علشان عايز يخلص وتفكر من على دماغه بسرعه فيقلك خلاص مش زعلان وتمشى بعيد عنه

اقتباس:

وجوزك .. طول الليل تحايلى فيه

منتوا مش فهمين دا علشان بيحبك عايزك تفضلى جنبه طول الليل

اقتباس:

باباكى وانتى عيانه .. سهران جنبك طول اليوم

لان كل مهتعييى اكتر هيدفع فواتير دكاتره ودواء الخ

فعايزك تخفى بسرعه علشان متصرفيش كتير

اقتباس:

انما جوزك بيروح ينام فى الاوضه التانيه.

امال مين اللى هياخد باله من الاود لو نام جنبك واتعدى منك وعيى هوا كمان

اقتباس:

بابا .. لما تدلعى عليه .. بيفرح بيكى

لانك ببساطه مش محتاجه تتدلعى على ابوكى علشان تتطلبى لانك صبح وليل طلبات فللما تتدلعى من غير سبب لازم يفرح

اقتباس:

انما جوزك .. بيقولك ..اكيد عايزه حاجه

متعوده دايما

اقتباس:

باباكى.. لما تقولى له .. ده حصل كذا وكذا .. بيهتم ويصدقك

بيعمل نفسه مهتم

اقتباس:

انما جوزك .. بيقولك .. الموضوع دا وراه ان .. ويشك فى كلامك

الشافعى قال كلامى خاطئ يحتمل الصواب وكلامهم صواب يحتمل الخطأ

انته بقه ملاك مثلا

اقتباس:

بابا .. لو شافك بتعيطى ها يمسح دمعتك

نفس رد سابقا علشان متقلبيش البيت مناحه

اقتباس:

انما جوزك .. ها يقولك يادى النكد

لانه متاكد انه سبب هايف

اقتباس:

مع بابا .. لو حاطه ماكياج فاقع شويه.. ها يقول لك الهادى عليكى احلى .. وانت احلى من غيره خالص

بيضحك عليكى بكلمتين انتى بيه من غيره زى ........

اقتباس:

لكن جوزك .. ها يقولك شكلك زى عروسة المولد

لا يفرح بيكى وانتى خارجه مبهرجه فى وشك بالاحمر والاصفر والناس تضحك عليكى

اقتباس:

مع بابا .. لو طلبتى دوا من الصيدليه . جرى ها ينزل يجيبه لكن جوزك ها يسالك بكام الأول؟

الحاله دى استبعدها لانك متحامله اوى على الزوج ومستحيل يعمل كده

كمان مش يمكن عايزك تروحى للدكتور الاول ويقلك هوا على الدوا الصح مش تخترعى اسم دوا وخلاص

اقتباس:

بابا .. لو طلب منك كوباية ميه .. بيقولك لو سمحتى عايز ميه

علشان عارفك هانم ومش هتقومى تجيبيله الا لما يدلعك

اقتباس:

انما الباشا يقولك قومى هاتى ميه

علشان عرف انك متجيش الا بالسك على دماغك

اقتباس:

لو بتتفرجى مع بابا على التليفزيون ... ها يسيب لك الحريه تتفرجى على اللى انتى عايزاه

مهو بيزل يشوفله تليفزيون تانى علشان وجع الدماغ برضه منك

اقتباس:

لكن المحروس .. مافيش قدامك غير يا الاخبار يا الكوره .. يا ميلودى

طب اشهدوا يا عالم الناس تتفرج على مسلسلات بتتعاد مليون مره وممله ولا اخبار العالم او متش كوره مهم

اقتباس:

بابا لو نازل مشوار .. بيعمل ليكى اعتبار ويديكى خبر

علشان لما تحتاجى حاجه وما اكثرها تتصلى وتخوتى دماغه

اقتباس:

اقتباس:

لكن جوزك .. بيختلس عدم وجودك قدامه عشان ينزل من وراكى ولو قفشتيه يقولك انا نازل ويقفل البابا بسرعه

ببساطه مش طالبه س و ج فى كل مشوار

اقتباس:

لو محتاجه فلوس فى حاله طارئه .. بابا ها يديكى من عينيه لكن جوزك .. ها يقولك خدى من بابا

برضه صعب يحصل والجمله فيها تجنى على الزوج

اقتباس:

لو جالك مكالمه غلط على موبايلك.. بابا ها يقولك حصل خير لكن جوزك .. ها يتهمك بالخيانه ...

نفس الرد السابق

رغم ان الغيره جزء من اجزاء الحب

اقتباس:

لو ما فيش فى التلاجه غير ازازة بيبسى واحده ..بابا ها يسيبها لك بنفس راضيه لكن جوزك ها يقول معلش انا لازم ابلع او ها يقسمها معاكى

يعنى اقول ايه ايهما افضل تبقى انتى طفسه وتشربى الازازه كلها ولا تعيشى الرومانسيه وتفسموها انتوا الاتنين زى اى حاجه فى حياتكم

لو

اقتباس:

اتزحلقتى على الارض ..باباكى ها يجرى يشيلك

عارف انك لو وقعتى هتعملى نفسك عيانه ومكسوره ومصاريف دكاتره والخ

اقتباس:

جوزك ها يقعد يضحك ويقولك ما انتى اللى مش منشفه الارض كويس

علشان اتعود على الحركات دى

اقتباس:

لو نفسك تغيرى مكان السجاده ..باباكى ها يقوللك عنك دى تقيله عليكى

خايف تبهدليها وانتى بتشيليها

اقتباس:

لكن جوزك ها يقولك مش ضرورى وجع القلب دا

يعنى جاى من الشغل تعبان مطلوب منه يشيل سججايد

اقتباس:

لو العربيه عطلت بيكى .. بابا.. ها يقولك اقفليها وتعالى وانا ها اتصرف

ومن جوا هيقول انا اللى جبت دا كله لنفسى

اقتباس:

جوزك .. ها يقولك متركبيش العربيه تانى

مبتعرفوش تسوقوا بتركبوا عربيات ليه

اقتباس:

لو حكيتى ل بابا على واحد عاكسك .. ها يقولك معلش .. وبعدين عنده حق . مانتى جميله

معلش مستحيل دا يحصل

اقتباس:

انما جوزك .. ها يقولك انتى اللى ماشيه مش محترمه

يعنى ببساطه الناس بتعاكس ليه اكيد علشان شافت لبس غير محترم او مشيه مايعه الخ مش هيعاكسوا من الهوا

اقتباس:

لو مقدمه على شغل ..باباكى.. ها يوصى عليكى طوب الارض

عايز يخلص منك ويهدك فى اى شغل بدل متقعدى على قلبه طول اليوم

اقتباس:

لكن جوزك .. مش ها يتعب نفسه ولا يهمه اصلا وها يقولك يعنى انتى ها تشتغلى وزيره

والله جت جت مجتش اديكى قاعده هانم اللى فيه الخير يقدمه ربنا

اقتباس:

باباكى لو لاحظ انك متخانقه مع اختك .. ها يصالحكوا على بعض

امال يعنى هيعيش فى حروب داخل البيت برضه علشان يريح دماغه من وجع الدماغ

اقتباس:

لكن جوك هيقولك خليهم يولعوا دول عيله عجب

مش للدرجه بس برضه هوا المفروض يعمل ايه انتوا اخوات هيدخل بينكم؟؟؟

اقتباس:

مهما باباكى كان متضايق .. لا يمكن تكلميه وتلاقيه مكشر لكن جوزك.. لو متضايق .. مصر كلها هتنكد عليكي استحملى بقى

مش للدرجه