اقتباس:

للاسف بحس انى طالعة من الكلية ومش فاكرة اى حاجة فيها يعنى لو اشتغلت مش عارفة هعمل اية؟؟؟؟

ومين قال ان الحياه العمليه تتطلب كل ما درستيه فى الكليه

بالعكس تماما

نادرا ما تتعاملى مع ما درستيه

فى اى مجال للعمل المهندس بياخد سنه او2 علشان يكتسب الخبره

ودى بتكون عن طريق انه يفهم طبيعه العمل

ويحاول يفتكر الجزء اللى درسه اللى ليه علاقه بطبيعه عمله علشان يقدر يربط بينهم


هديلك مثال

انا مهندس كهربا

اشتغلت شويه فى المقاولات وفى مصنع وحاليا فى محطه الكهرباء

انا درست فى اكليه مواد زى الماشين والكونترول والتركيبات والباور الكترومك والباور سيستم

دول ال5 تخصصات الرئيسيه فى قسمنا تقريبا

لما كنت شغال فى المقاولات كنت بحاول اراجع منهج سنه 4 بس بتاع التركيبات

ومش مراجعه مراجعه يعنى

لاه

نظره بس علشان افتكر

انتى فاكره انك ناسيه كل حاجه

جربى فى مجال عملك تشوفى كده كشكول المحاضرات بتاع الماده المتعلقه بيكى هتلاقى العمليه سهله جدا

بعدين قلبت على مصنع ولقيت الكونترول والماشين هما الاساسين فمش مشكله لو فتحت شفت برضه الفكره العامه لكل واحده

وهكذا


وهقلك على معلومه معروفه للجميع

صعب جدا تلاقى مهندس شامل


يعنى صعب تلاقى مهندس كهرباء كويس فى ال 5 مجالات

دا لو مكنش مستحيل

انتى على حسب مجال عملك بتركزى فى التخصص اللى يفيدك ومع الوقت بتنسى تدريجيا التخصصات الاخرى مش نسان خالص ولكنك بتنسى الكثير من اساسيتها

فى سوق العمل المهندس مش محتاج الا الاساسيات اللى ردسها بس

العك اللى فى النص ملوش لازمه خالص


ابدأى اول خطوه بالعمل هتقعدى سنه تتعلمى سؤاء نظام العمل او انك تفتكرى اللى درستيه

وعلى فكره احنا عندنا ميزه كبيره اللى هما حديثى االتخرج المعلومات فريش بل انهم درسوا حاجات المديرين بتوعهم ميعرفوهاش فمع الاطلاع او المتابعه بتتميزى عن الناس القديمه كمان

يعنى مشكله النسيان انا شايفها اخر مشكله تواجهه المهندس لانها مش ممه للدرجه وسهل حلها

اقتباس:

وكلام جميل جدا انا لسه اولي كهربا

خليفتى فى الملاعب

لو انتى جامعه القاهره يبقى سلميلى على مواد ال field وال electronic