الموضوع: المصري هو
عرض مشاركة واحدة
قديم 2006-11-14, 09:41 AM   #1
الصورة الرمزية 3aShe2
مشرف عام
تاريخ التسجيل: 2006-11-06
الدولة: Egypt - Mansoura
العمر: 37
المشاركات: 2,197
التقييم: 611
إرسال رسالة عبر مراسل Yahoo إلى 3aShe2
الصورة الرمزية 3aShe2
مشرف عام
تاريخ التسجيل: 2006-11-06
الدولة: Egypt - Mansoura
العمر: 37
المشاركات: 2,197
التقييم: 611
إرسال رسالة عبر مراسل Yahoo إلى 3aShe2
Idea المصري هو

المصري هو


- اللّى بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد.

- بيحط الريموت كنترول في كيس0 بلاستيك كعادة فرعونية.

- يقف يتكلم على الباب نص ساعة بعد إنتهاء الزيارة .

- لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد.

- ييجي بعد معاده بساعتين ويفتكر إن ده عادى.

- لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه.

- بيعتبر نفسه أفضل واحد في الشراء والفصال وبعد كده يكتشف إن الحاجة في المحل اللي جنبه أرخص من غير فصال.

- بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش .

- عنده صينية مكسرات متقسمة لتلات او أربع أقسام لزوم المزاج وعمره ماإستخدمها.

- ممكن يعدي التلاتين ولسه عايش مع أمه وأبوه وماعندهومش مشكلة.

- بيشتري قبل الفطار في رمضان مواد إستهلاكية أصلا موجود عنده في البيت لسه ماستخدمهاش.

- بيكون عنده شواية لزوم الرحلات أقصى استخدام لها كان مرة واحدة في العيد.

- بيشيل طابع البريد من على الظرف لو الختم ماكانش عليه.

- بيفتكر إن أي حد بيشتغل في الخليج بيغرف فلوس من غير حساب.

- بيكون مشغول بقيمة التيبس أو البقشيش طول العشا ياترى ربع جنيه ولا نص جنيه.

- برده بيتخانق ساعة دفع الحساب بحرارة شديدة على إنه هو اللي لازم يدفع.

- بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا .

- والأهم إنه اللي بيحب يسخر من نفسه ومن بلده وحكامه بس مايطيقش حد تاني يسخر منهم ، وساعتها بيفرش له الملاية.

الاهم بقى

انى لما قريت الرسالة دى اتضحلى ان كلنا بنعمل كده ههههههه

hglwvd i,

3aShe2 غير متصل   رد مع اقتباس