والله يامندوز بشكرك جدا علي طرحك للموضوع
وعايزةاقولك ان اخر اخبار سمعتها عن الموضوع دا كانت امبارح
وان الصحفيين قالوا ان لو شيخ الازهر مش قدم اعتذار رسمي
عن اللي قاله هيتجاهلوا اي حدث له وهيمنعوا نشره في
الصحف يعني هيتجاهلوا وجوده اساسا وعايزه اقولك اني
خريجه ازهر بس دا مش يمنع اني اقول ان الكل بلا استثناء
واقصد بالكل المناصب العليا كلهم بيصدروا قراراتهم وبيقولوا
كل حاجه تبقي في صالح الناس اللي فوق سواء كانت قراراتهم
دي هتقلب عليهم الرأي العام او حتي هتسبب لهم مشاكل
لان كل اللي يهمهم انهم يحافظوا علي مناصبهم وكراسيهم
وبس ودا طبعا هيجي طول ماهما ماشيين ورا الراس الكبيره
ومش مزعلينه
وغير كدا انا مش مع ان تطلع اشاعات في الصحف ضد اي حد
لان دا بيعمل بلبله ولخبطه عند الناس بس انا عن نفسي
معرفش حقيقه الموضوع بتاع مرض الريس لان قريت وسمعت
اقوايل كتير اوي عن الموضوع دا وان كان اصحها وان انا
اقتنعت بيه ان الموضوع كله عباره عن لبس في الاحداث