انا فاهمة قصدك يا ماندوز ووافقتك لكن من جهة المسابقة اللى اتكلمنا فيها قبل كده
لان سيدنا محمد عليه الصلاة والسلام فعلا مينفعش نقارنه بحد
لكن الكتاب مختلف عن المسابقة
تفتكر ايه اللى بيميز الكتاب ده عن اى كتاب تانى
وكلنا عارفين ان علماء المسلمين ممكن يكتبوا عن سيدنا محمد كتب احسن من ده بمراحل
وفعلا عندنا كتب احسن لكن هل الفكرة وصلت للغرب؟؟
احنا مش محتاجين الكتاب ده خالص وميفرقش مع المسلمين
بس اللى بيميز الكتاب هنا الرؤية الغربية
وطريقة الكاتب فى اقناع القاريء الغربي وفهمه لمداخل الشخصية الغربية
ده كاتب امريكى بيعرف الغرب باعظم شخصية والافضل اللى يعرفهم يكون منهم علشان يتقبلوا كلامه
وحتى لو كان الموضوع فيه مقارنة شيء طبيعى انهم يقارنوا
احنا اه نرفض مقارنة سيدنا محمد بحد
لكن هم لازم يقارنوا علشان يعرفوا الحق
وعلشان يتاكدوا بنفسهم انه فوق مستوى المقارنة