عرض مشاركة واحدة
قديم 2007-10-07, 11:10 PM   #15
الصورة الرمزية la princesse
مشرفة عامة
تاريخ التسجيل: 2006-09-29
الدولة: أرض الكنانة
العمر: 40
المشاركات: 2,027
التقييم: 802
الصورة الرمزية la princesse
مشرفة عامة
افتراضي

انا كنت بتابع الموضوع ده من بعيد
وطبعا دى كارثة بكل المقاييس وجريمة فظيعة
والكارثة الاكبر فى رجال الشرطة اللى تحولوا من سفراء للامان والحماية الى جنود للظلم
ودى اكبر مصيبة طبعا ان الوسيلة اللى المفروض تجيب للناس حقوقها تتحول لاذلالهم
لكن الشيء الغريب اللى لاحظته من بداية سير الموضوع ان الطبيعى ان اى حد بيقرا الموضوع
وهيعلق عليه يبقى اهتمامه بالكارثة دى وغيرها لانها مجرد مثال لكوارث كتير بتحصل فى مصر
وزى الكارثة دى واكتر وبطول مصر وعرضها وابطالها مبنصنفهمش حسب موطنهم ولا اماكن ميلاداتهم
وبصراحة اللى انا شيفاه ان محور اهتمام الناس انصب على ان الناس دول صعيدة
والصعيدة دول ناس همج ومبيتفاهموش.... الى اخر الفكرة اللى الناس وخداها
يعنى بقى لب المشكلة دلوقتى انهم صعيدة ولو مكنوش صعيدة مكنوش هيعملوا كده
محدش مثلا قال ان رجال الشرطة عملوا كده علشان هم من القاهرة
رغم الكوارث الكتير اللى بتحصل وافظع من دى بالف مرة الا ان محدش بيتهم ببلد المجرم لمجرد انها بلده
يعنى محدش قال ممدوح اسماعيل ده عمل كذا علشان هو من محافظة .....
ولا حد اتكلم عن المتهم فى جريمة الطفلة هند وقال انه عمل كده علشان هو من .....
بجد حاجة غريبة مكنتش اتوقعها ابدا
ودى اكبر دليل على ان فى قضية اكبر وظلم اكبر لجزء مهم فى مصر
ويعتبر قلب مصر ومنبع حضارة مصر وموطن اعظم علماء وادباء مصر
لكن للاسف اتنسى واعلامنا العظيم بدوره حوله لنكت ومسلسلات الناس تضحك عليها وحاجة تجيب فلوس
انا مش بدافع عن الجناة هم طبعا مجرمين ويستاهلوا العقاب
لكن باقى الصعيدة ميستاهلوش العقاب
la princesse غير متصل   رد مع اقتباس