اهلا بيكى يا ايناس وشكرا لكلامك الجميل ده وربنا يستر انا حاسة انها اسئلة اصعب من الثاانوية العامة

اقتباس:

1- اكتر حاجه ممكن تضايق فجر ؟

لا كتييييير متعديش
يعنى انى اكون شايفة ادامى غلط ومش قادرة اقول انه غلط احسن اللى حوليا يغلطونى عشان قلت ان ده غلط
وبرضه لما يكون حد زعلان منى بضايق اوى
وحاجات تانية كتير

اقتباس:

2- ايه الحاجه اللي متقدريش تسامحي فيها ؟

اللى يجى على كرامتى بس الحمد لله ده لسه محصلش وان شاء الله مش هيحصل

اقتباس:

3- ايه الحاجات اللي بتعمليها وانتي مبسوطه اوي انك بتعمليها ؟

اما بساعد الناس او اقدم لهم خدمة

اقتباس:

4- الي اي مدي ممكن يسيب الجرح اثر في قلبك؟

الى مدى كبير لدرجة انه ممكن يعدى عليه سنين واما افتكره بحس اكنى مجروحة دلوقتى وافضل اعيط ومضايقة

اقتباس:

5- اكتر اكلات بتحبيها ؟

كتير بحب البطاطس المحمرة والرز بلبن والقلقاس والبامية و الكفتة كتيييييييير

اقتباس:

6- اكتر حد بترتاحي له "في المنتدي ,خارج المنتدي"؟

فى داخل المنتدى اميرة وايناس وتوتاااااا لسه اعرفها من قريب
و خارج المنتدى ليا واحدة صحبتى من الاعدادى دى اقرب واحدة ليا
وليا 3 اصدقاء من بتوع الثانوى دول بنات جدعان اوى واصحاب بجد متهيالى صعب الاقى زيهم تانى

اقتباس:

7-مين اكتر حد اثر فيكي وفي شخصيتك وكان قدوة ليكي؟

كتييييييير منهم عمتى الله يرحمها ومدرستى فى الاعدادى وناس تانية كتير

اقتباس:

8- بتحبي تعملي ايه اول ما تصحي من النوم ؟

ههههههههههههه اول لما بصحى من النوم بسيب الاوده اللى كنت نايمة فيها واروح على اوده تانية اكمل نومى فيها
ههههههههههههه

اقتباس:

9- ايه هي احلامك؟ وايه اكتر حلم عايزاه يتحقق؟

نفسى اكمل دراستى فى الكلية ان شاء الله لما اتقبل فيها بس ادعولى اكمل الدراسة بتفوق
وان جت الفرصة اللى اكمل الدراسات العليا اكملها
لكن اكتر حلم هو ان حياتى تفضل هادية باستمرار

موقف حصلى وانا فى خمسة ابتدائى المفروض اتوبيس المدرسة ينزلنى اروح على البيت على طول بس للاسف مروحتش فضلت اتفرج على المحلات فى الشارع اللى ورانا انا وواحدة معايا فى الباص فماما كانت شافت الاتوبيس ولقتنى لسه مرجعتش راحت نزلت ولقتنى وانا بتفرج على المحلات راحت خدتنى على البيت وبابا عمل الواجب وزيادة كتر خيره وزيادة
ده موقف مش حلو خالص بس بحمد ربنا ان عملته وانا صغيرة مش وانا كبيرة

تحت امرك بس ربنا يستر على الاسئلة اللى جايه