الناس طول ما هي عايشة بتتنفس هتتكلم
هتتكلم علي اي حال واي وضع ممكن نكون فيه
هتتكلم لو كانت حياتي من البيت للشغل للمسجد وخلاص
هتتكلم لو كانت حياتي علي القهاوي وواقف علي النواصي
هتتكلم لو مظهرك شيك جدا وملفت للنظر من شياكتك واناقتك
هتتكلم لو مظهرك مزري وغير مهتم تمام بنفسك
ولو عاوزة تعرفي همة ليه بيتكلموا هقولك السبب
السبب اننا احنا اللي بنساعدهم إنهم يتكلموا لاننا بنعمل لكلامهم حساب
بنخاف من كلامهم ونعمل عكس اللي مقتنعين بيه مع إنهم برضه هيتكلموا عنه
انا عن نفسي لاقيت الحل من زمان للموضوع ده
مفيش انسان خالي من العيوب وانا واحد من الناس دي
بعمل كل شيء انا مقتنع بيه وعايزه ومش بعمل حساب لا حد
أيا ما كان من الناس دي طالما فعلي وتصرفي لا يغضب المولي عز وجل
ولو يوم فعلا خفت من كلام الناس بتاكد اني عملت الحاجة اللي تغضب ربنا
وبتهون عليا نفسي جدا لو علمتها وخفت من كلام الناس ومخفتش من اللي خلقني
وخلق الناس دي كلها ......... احنا اللي بنحدد نخاف من ايه وليه ......
دائما تأتي بما هو مميز
دمتى بخير