جميل جدا كلامك يا ماندو يا خُبى
انا شفت الموقع من فترة ووقعت فيه وناس كتيرة جدا بسم الله ما شاء الله وقعت
يعنى الواحد صابر صابر ومستنى بقى الفرج بس الفرج جيه جامد اوى الواحد مقدرش يستحمل بصراحة
مش كفاية السرعة الوهمية لأ كمان عاوزين يحددوه ههههههههه والله احنا غلابة
يروحوا يشوفوا الاتحاد الاوروبى ,,,, سرعة الناس الغلابة 2 ميجا واما بقول 2 ميجا يعنى اتنين ميجا
مش اتنين ميجا مقسومة على 4 ولا 8 دا حاجه تقرف بصراحة
والله فى واحد من الناس وقع وقال انه فى بلد فى الاتحاد الاوروبى مش فاكر اسمها ايه خط 4 ميجا / 4 ميجا بحوالى 480 جنيه تقريبا مش فاكر كام بالظبط بس مش اكتر من كدا
4 ميجا دى بقى هنا يفكوها على دسلامين ويوزعوا للبشرية كلها والبنى ادم هوا اللى مطحون ومش عارف يفتح صفحة نت
والوزير البيه عاملى فيها شريف ,,,, بلى وكسة
قال ايه الوصلة مزعلاه ,,, طب ما يشوف الخط بكام هوا فيه بنى ادم عاوز يعد نت مثلا هيدفع 90 جنيه فى الشهر ؟؟
لا سيما الكلام ده مش هنا
هنا الاسعار الى الآن الخط اللى عندى ده انا واصحابى 512 بـ 250 جنيه مصرى
الـ 1024 بـ 480 جنيه مصرى
حاجه تقرف تقرف ,,,,, الواحد مفكر وزراة الزفت عارفة الحاجات دى بس الظاهر هما نايمين فى البطاطا لأ لأ لأ بطاطا ايه
هما عارفين عارفين بس عاوزين يصطعبطوا ويعملوا فيها هبل ومش واخدين بالهم عشان يلموا القرشين اللى الراجل بياخدهم اول كل شهر بدل ما يشترى حاجه تنفع يدفع فلوس النت للواد
طيب اللى ابوه مش بيدفع يـعمل ايه ؟
لأ لأ لأ احتمال حاجه تانيه احتمال زى ما وائل بيه عباس بيقول ..... او زى ما وضح يعنى عاوزين يحدوا من حكاية التدوين ههههههههه اصل وائل بصراحة قارفهم شوية ناشر كل حاجه ياعينى على الملأ وحاجه تعررر بصراحة
لأ لأ لأ عارفين هما بيخدموا المستخدم وبيحددو النت عشان ما يعرفش ينزل افلام أبيحة هههههه
لأ ياجماعه انا آسف عارفين يبقى ايه ؟؟ ايوه انا فهمتها هما عاوزين ايه
هما عاوزين كل واحد يخلص كلية ويقوم فارط الجيش وناطط على بره يشتغل ومعتش ييجى
لأ لأ لأ بوصوا هما ليهم سياسات كويسة هتنفع المواطن العادى ان شاء الله هيطلعوا تصريحات بالحاجات الايجابية للقرارت الزفت دى ان شاء الله قريب خليكوا على انتظار ان الانترنت فى مصر يتمنع ههههههه
حاجه تقرف بصراحة ,,,,
شكرا على الموضوع