شبـــكة تـيـفـا نت - عرض مشاركة واحدة

**black rose** · 2007-07-22, 07:21 PM

اقتباس:

المشاركة الأصلية كتبت بواسطة فجر الاسلام

الحقيقة يا بلاك روز فعلا درجاتك حلوة بس الكيمياء منها لله غدارة دايما
واللى فعلا محير انك بتحبى العلمى علوم بس مجموعك صعب اللى يجبها وانا من رايى واللى انتى عاوزاه هو اللى هيمشى انك متحوليش تغامرى بمستقبلك يعنى غامرى فى حاجة بس متكنش بتحدد مستقبلك لو انتى ضامنة تجيبى 100% كملى علوم
واللى محير اكتر اللى انتى مش بتحبى التاريخ ولا الرياضة مع ان درجتك جميلة فى الرياضة وفعلا رياضة تانية غير تالتة نهائى اما التاريخ انتى ممكن تكونى خايفه منه من حفظ التاريخ يعنى يوم كذا فى شهر كذا فى سنة كذا متخفيش ده قليل لما يجى فى الامتحان ولو جه يبقى مشهور
انا بقول لك شوفى الحاجة اللى انتى تحسى تكونى هتتفوقى فيها وكملى فيها سواء كان علوم ولا رياضة ولا ادبى
وطنينا لما تخدى القرار

هوا دلوقتى بيتقال ان هندسة واخدة من 92,9 % يعنى لو فرضنا انى دخلت علمى رياضة يبقي عندى امل كبير انى ادخل هندسة او حاسبات وطبعا انا مايلة لحاسبات

بس علمى علوم بقي يبقي صيدلة وطب واسنان
دول اللى فى القمة وطبعا ال 100% مش مضمونة اوى يعنى بس مش صعبة

الادبي بقي
ناس كتيييييييييير عمالة تقولى حولى وريحى نفسك بس انا مش مستوعبة ازاى هاتفوق فى مواد مش بحبها يعنى ده حتى لو دخلت علمى يبقي كنت هاخد علم نفس بدل الاحصا والاقتصاد
لكن فى ادبي هيبقي علم النفس اساسي يبقي هيبقي قدامى انى اخد فلسفة وهبقي كده داخلة فى شغل عك هيبقي تاريخ وعلم نفس و فلسفة ...

ادينى بفكر معاكوا اهو ولسه موصلتش لقرار ..