ساحكى لكى عن تجربه عايشتها مع احد اصدقائى

فى الثانويه زميلى جاب 34/50 فى الفيزياء

طبعا مجمموعه اتدمر بس ربنا ستر ولحق هندسه اسكندريه

طبعا جد وتعب وحول عندنا القاهره فى السنه اللى بعدها

واهو دلوقتى متخرج من قسم هندسه طبيه (3 اهم قسم عندنا)

فى مثابره يبقى فى امل

فى امل يبقى ان شاء الله فى نجاح وفرحه

اتمنالك تقدرى تحققى اللى نفسك فيه ومش معنى انك جبتى درجه وحشه انك سيئه فى الماده يمكن ظروف الامتحان او ظروفك حالت دون درجه اعلى لكن المهم تركزى فى العام القادم وتجيبى ان شاء الله مجموع كويس

على فكره مش مشكله لو دخلتى صيدله جامعه تانيه وبعدين حولتى القاهره المهم يكون عندك اصرار

وانا فهمت من كلامك انك لو شديتى حيلك كويسه السنه الجايه وقفلتى المستوى مثلا ممكن تجيبى درجه كويسه

بصى يا بلاك روز
انا هقولك على تجربتى انا الشخصية وتجربة بعض اصحابى
انا برضه كنت علمى رياضة فى تانية والكيمياء هى اكتر مادة نقصتنى 41.5
مجموعة فى تانية عمل 87 %
انا اولا كنت رافضة وبشدة ان احول ادبى وكنت بقول لو شديت حيلى جامد السنة اللى جايه ممكن اجيب هندسة اقاليم
بس فكرت لاقيت نفسى اللى انا مش ضامنة اجيب مجموع حلو ولا لا
لانى بذلت اقصى مجهود ليا فى تانية وفى الاخر جبت مجموع مش حلو بالنسبة للعلمى
ولكن بصيت لاقيت مجموعى حلو جدا بالنسبة للادبى
بس قلت انا هدرس تاريخ وانا دايما مكنتش بحب التاريخ من الاعدادى
وكمان قلت ايه ده هدرس علم نفس و اجتماع ده كفاية من اسمها يعقد
بس قدر الله انى احول ادبى وفعلا اخذت الخطوة دى والحمد لله لم اندم عليها
طبعا الاول كان فى قليل من الاحباط اصل انا مش سهل يجيلى احباط
بس عارفه علم النفس دى اصبحت عشقى فى المواد كنت احب اذاكرها جدا جدا
حتى انا اخد فيها شهر ونص درس وبعد كده سبته لانى قراتها وسبقت المدرس لقتها سهلة وجميلة
وذاكرتها لوحدى وكنت بشرحها لاصحابى والحمد لله جبت فيها الدرجة النهائية
التاريخ انا فى الاول مكنتش حباه بس حبيته جدا وذاكرته وراجعته مع نفسى اصل (انا عدوة الدروس الخصوصية(
وقد ايه حبيته لدرجة بعد لما خلصت الامتحانات بقيت اقرا فى كتب التاريخ اللى عندنا فى المكتبة وكنت بحل فيه كويس وهو المنهج كبير اى نعم والحمدلله جبت درجة حلوة فيه 45.5
طبعا مقارنة بالكيمياء احلى
ودرجاتى اتحسنت وجبت فى تالتة ادبى لوحدها 94 % مجموعى كله بالسنتين عمل 90.3 %

على فكرة التسعين دى كان حلم لكتير وكانوا بس يتمنوا اجيب درجة السنة اللى فاتت والحمد لله عوضت

ليا واحدة صحبتى جابت فى تانية علمى 80 % وجابت فى تالتة ادبى95.8 % مجموعها كله عمل 87 %
مع ان صحبتى دى كانت اكتر واحدة محبطة للتحويل وكانت عدوة التاريخ الاولى بس الحمد لله جابت فى درجة حلوة

وهقولك كمان ليا واحدة صحبتى كانت علمى علوم وكانت جايبة 91 % وطبعا ده مينفعش فى العوم حولت رياضة
هى لما حولت مبصتش هى ممكن تفلح فى ايه هى بصت كلية قمة وخلاص ما انتى ممكن متنفعيش فيها بس لو دخلتى اى كلية تانية مش قمة ممكن تصبحى حاجة حلوة فيها
المهم صحبتى دى مجموعها كله عمل 88 % طبعا مش هتنفع هندسة
وليا واحدة صحبتى تانية جابت فى تالتة 93 % علمى علوم قلنلها ليه محولتيش رياضة وحولتى ادبى قالت انا لو دخلت هندسة مش هفلح فيها الحقيقة انا مشفتهاش عشان اسالها جابت كام السنة دى بس انا عاوزة اقول لكى انها مبصتش هندسة واااااااو كلية جميلة وحلوة هى بصت هى عاوزة ايه وهى تتفوق فى ايه

وكمان يا بلاك انتى بتحبى كليات الادبى خلى ده يكون دافع لكى
ولو مجموعك يكمل علوم او رياضة كملى بس لو انت واثقة هتتفوقى فيهم وهتجيبى مجموع عالى

انا من رايى متحدديش فى الفترة دى لانك اكيد متاثرة بكده استنى شوية وفكرى فى الامر لان اى راى هتخديه دلوقتى احتمال كبير ميكنش الصواب
وياريت اما تقررى متخديش قرار تندمى عليه بعد كده

وياريت اول لما تقررى طمنينا عليكى