شبـــكة تـيـفـا نت - عرض مشاركة واحدة

**فجر الاسلام** · 2007-07-15, 04:10 AM

انا الحقيقة عندى شك فى صحة هذه الصور بمعنى ان اناس اللى فى الصور دى كلهم متاجرين الفلوس
عشان يعملوا كده ويتم نشر الصور لاشاعة الفتنة بين المسلمين
بصوا

اولا احنا شايفين واحدة هى اللى هتقوم امام فى الصلاة
وطبعا الحكاية دى كانت من حوالى سنة فى دولة ما مش متذكراها حاليا واتضح بعد ذلك ان الجوامع لم تسمح لها ان تكون امام فاجرت قاعة فى كنيسه وطبعا وسائل الاعلام نقلتها وبعد الموضوع ده لم نسمع عن تلك السيدة ابدا
تقدروا تقولوا تفسير كده ايه
انا هقول ان دى حركة من ناس بيكرهوا الاسلام وعاوزين يشوهوا صورته
بصوا كفاية اقولكم على الغلطة دى لان عشان يكملوا الطبخة دخلوا البنت اللى مش محجبة والراجل اللى بيصلى جمب الست
يعنى بمعنى اصح هم قالوا احنا نعكس الموضوع عند كم يا مسلمين
الرجل عندكم الامام لا نخليه المراة
انتو عندكم الرجالة وراء الامام لا نخليها السيدات
انتو عندكم السيدات بتصلى بحجاب لا ازاى نخليها من غير حجاب
انتو عندكم الرجالة بتصلى منفصلة عن السيدات لا ازاى نخليهم يصلوا جمب بعض
وكمان كل الصور دى متصورة من مكان واحد وفى يوم واحد وفى وقت واحد
وهو الوقت اللى قامت تلك السيدة لكى تكون اما بالناس

ثانيا اللى بياكدوا صحة تلك الصور وان فى امريكا بيعملوا المسلمين كده
اقول لاء الصور دى مش بتحصل على طول
لان لو رجل صلى جمب المراة هتلاقى كل المصليين هيرفضوا
ولو ست راحت تصلى من غير حجاب هتلاقى كذا واحدة تدلها حجاب

يا جماعة الخير هيفضل فى امة محمد ليوم الدين

وكمان انا اعتقد ان الصور دى من سنة عندما حدثت الضجة الكبيرة ان واحدة هتكون امام فى الصلاة
والموضوع ده انتهى ووصلنا انه لايصح ان تكون المراة امام فى الصلاة
وبعد كده لم نسمع ضجة من هذا النوع

اقتباس:

لان مين المسئول عن فهم الناس دى للاسلام

صحيح يوجد تقصير نحو مسلمين المهجر بصورة كبيرة و المسئول عن هذا فى وجهه نظرى هم المسلمين الذين يعيشون فى بلاد المسلمين
بس ارجع واقول مين المسئول عن فهم الناس المسلمين للدين فى بلاد المسلمين
بص يا رامى اما المسئولين يقدروا الاول يفهموا الناس جوه بلا المسلمين الاسلام ساعتها هيقدروا يفهموا المسلمين فى الخارج