انا بقة وانا بستعيد زكرياتى افتكرت موقفين تحفه كل ما افتكرها قعد افطس على نفسى من الضحك
الموقف الاول
ان انا مره وواحد من اعز اصدقائى بنتمشى مره عالبحر فى العصافره لغاية ماوصلنا
للسان فاصل بين شاطئى العصافره والمندره
قلنا نعد على اخر اللسان عالسور وبصراحه كان الجو اكتر من روعه قعدنا نضحك ونهيس ونغنى ونسرح كده مع نفسنا ونتابع منظر الغروب الرائع
وفجاه ربنا مايوريكم
تيجى موجه جامده اوى تخبط فى المصدات الموجوده قصادنا والميا ه تعلا
وتخبط فينا
طبعا احنا محسناش بحاجه الا واحنا واخدين دش ميه ساقعه مالحه جامد اوى وطبعا اتبهدلنا بهدله وروحنا مبلولين اخر بلل
وكان منظرنا فى الشارع مقلكمش
اما الموقف التانى فانا كنت فى تالته اعدادى كنتانا واختى وبنت عمى توتا وبنات عمتى فى البيت لوحدنا والكبار طبعا نزلو مشوار كده
المهم انا طلبت منهم يعملولى كوباية شاى
فاتفقو عليا الاربعه انهم يعملولى شاى فطبعا قدمولى الشاى
انا قعدت مستنى الشاى يبرد عشان اشربه
اخدت اول شفطه ربنا مايوريكم الطعم
قلتلهم انتم عاملين الشاى بايه ودخلت المطبخ ببص على الرخامه لقيتهم عاملين الشاى
ب
مللللللللللللللللللللللللللللللللللللللللللللللللل للللللح
طبعا انا محسشتش بنفسى وانا قاعد اجرى وراهم
ودوووووووووول كانو اجمل موقفين فى حياااااااااااااااااتى