شبـــكة تـيـفـا نت - عرض مشاركة واحدة

**black rose** · 2007-07-12, 03:33 PM

اقتباس:

المشاركة الأصلية كتبت بواسطة الطيب احسن

يلا انا هابدا

انا بصو بحب الصراحه عشان كده مش هتدخل باسم حيران
انا مشكلتى بجد يا جماعه
ان انا بدات اشعر بالوحده بالنسبه لصدقاتى باستثناء اعضاء المنتدى طبعا وخاصة كريم
لانه جارى
والسبب ان معظم اصحابى اتخرجو لان كليتهم 4 سنين وانا 5 سنين
وطبعا كل واحد فيهم بدا يشتغل وطبعا بيتلككو بيوم الاجازه عشان يرتاحو فيه ومش ممكن يفضو فى نفس الوقت او ياخدو اجازه فى نفس الوقت لان كل واحد فيهم بيشتغل فى شغلانه شكل وكل واحد اجازته فى يوم شكل
وانا لما قلت اشتغل فى الصيف اشغل وقتى للاسف منفعش لانها بتتعارض مع مواعيد الكورس
وساعات بحس ان انا محتاج لحد اعرف احكيله مشاكلى طبعا لان كل حاجه ماقدرش اقولها
لاهلى
وعلى راى اللى قال
كام واحد بيحس
واحد اتنين تلاته يا عينى والباقى بعيد عنى

اقتباس:

المشاركة الأصلية كتبت بواسطة كريم يتحدى الملل

والله يا جماعه انا يمكن مشكلتى مش مشكله او مش معضله بس هى انى دلوقتى

بشتغل بليل من 7الى 3وعقبال مبقفل وبراجع الفلوس والحجات دى كلها وبقفل المكان

تكون بقت 4 وبعد كده بروح وبكون فى البيت على طول علشان السيبر فى الشارع الى

ورانا وبعدين بتعشى وانام وبعدين اصحى الصبح يدوبك انزل الجم انا و روم (الطيب

احسن)ويدوبك اول مبرجع اخد دوش واتغدى وانزل الشغل بعد مكنت كل يوم مقضيها

وحسيت بالحكايه دى امبارح اول ماصحابى جولى السيبر وفضلو يحكو بيعملو ايه

وهيروحو فين وراحو فين قبل كده وهيتجمعو امتى ونا طبعا مش هينفع اتحرك من

مكانى اروح فى حته

لو فى حل يبقالك جزيل الشكر يا توتا

حلو اوى يعنى رامي مشكلته ان اصحابه بيشتغلوا ومش فاضيين وكريم مشكلته ان اصحابه عايشين حياتهم وهو متحاصر بشغله

بقولك ايه يا طيب ما تصاحب اصحاب كريم ونبقي حلينا مشكلة واحد

حل رزل صح

اما كريم بقي ما انت ما شاء الله عليك وقتك مش ضايع للدرجة دى .. ده انت شغلك بادئ من 7

يعنى لو مثلا بتبدا مخططك اليومى من سبعة الصبح يبقي عندى اتناشر ساعة فري

معرفش بس انت ممكن تعمل فيهم حاجااااااااات كتير

نيجى بقي لسارة ملكة الرومانسية

اقتباس:

المشاركة الأصلية كتبت بواسطة ملكة الرومنسية

انا مشكلتى انى
مفيش حاجة بعملها

كل يوم بقعد عالنت او ادام التليفزيون

واللى بنام فيه بصحى فيه

وبجد مش لاقية حاجة تملى فراغى

ومحدش يقولى اخرجى لحسن

ماما مش بترضى اخرج لوحدى مع اصحابى

بصي يا ستى

انتى لازم تلاقيلك حاجة تلزمك بيها يعنى العبي رياضة

روحى احفظى قران روحى مكتبة امممممم ممكن لو فيه مركز رسالة قريب منك او قصر ثقافة

حاجة من هذا القبيل

واذا مكانش فيه امل خالص يعنى انك تخرجى يبقي حدديلك كده يا حلوة كذا كتاب وصممى انك تخلصيهم وابعدى الله يكرمك عن الروايات و يكى والنظام ده
كتب يعنى دوريلك ع صيد الخاطر .. الصداقة والصديق للتوحيدي .. اتصرفي مش هتغلبي

وحاولى تقللى من جلوسك ع النت والله بيرجع لورا

وممكن توصلي لدرجة انه يبقي واقعك وتبقي بكده عديتى الخطوط الحمرا

يلا كفاااية كده النهاردة

سلاام