فكره ممتازه يا محمد


اما عن قصتى اليوم

فلن احكى عن مغامرتى مع الكلاب ذات الانياب الحاده

ولا مع لعبه الكوريدور الرهيبه


انما مغامرتى اليوم ستكون فى مكان لطيف وهادى وجميييييييل


وهل هناك اجمل من شواطئ الاسكندريه فى ليالى الصيف الحاره


المهم


يحكى انى كنت فى رحله فى العام المنصرم الى الاسكندريه لقضاء اسبوع هناك مع زمايل الكليه

وكنا نذهب للشاطئ مرتان مره البح علشان ينزلوا يعوموا ومره بالليل علشان نقعد على البلاج


المهم

فى احد الايام المقمره


وبعد مسيره طويله على شواطئ الاسكندريه اخترنا اخر شط مع على اديكم اليمين


وجلسنا وتربعنا فى جلستنا

طبعا احنا كنا مزاج شويه فكنا واخدين اقرب ترابيزه للميه


الغريب فى الامر اننا شفنا ناس بتنزل تعومفى الفتره دى


فاثتثار اصحابى وقالوا احنا كمان هننزل


وبما انى لا انزل البحر فالبطبع شيلتهم المحافظ بتاعتهم فى جيبى وحطيت شبابشهم تحت الترابيزه

وهما نزلوا وانا جبت واحد مانجا امزز فيها


الغريب فى هذا اليوم ان البحر كان شادد حيله شويه طبعا اعزرونى هقول كلمه موج رغم انه معروف ان مفيش موج لكن نقول نص موجه كانت بتيجى كل شويه وتخبط فى رجليا من تحت

فقلت مش مشكله شويه ميه مش فارقه


شويه

ولقيت اصحابى بيبصولى وبيجروا عليا


انا قلت حصل ايه


جرا ايه


المهم

لقيتهم عمالين يجروا ويدوروا فى الميه

انا مش مستوعب حاجه

لغايه ما فى الاول لقيت شبشب واحد صاحبنا مره يطلع على اشط ومره تانى الموجه تاخده

والعيال عمالين يجروا وراهم علشان يجيبوهم


بتحسس جيبى







الحق يا مصطفى الحق يا محمد محافظكم وقعت والميه شالتها




طبعا العيال كان منظرهم يفطس من الضحك لا عارفين يجوا يضربونى ولا عارفين يدوروا على محافظم

طبعا انا قلت الكلام ده وال بقه الواد اللى بيساعد وقعدت ادور معاهم

لغايه ما بسلامه الله لقينا المحافظ بعد ما تدخل جرياننا فى الترابيزات المجاوره فى عمليات البحث


بعد ما كل واحد لقا محفظته


طبعا اا كنت فطسان من الضحك وهما الاتنين قدامى بعد محاولات بحثهم دى

سالونى سؤال واحد امال فين محفظتك وشبشك

شاورتلهم على رجليا وقلتلهم ادى الشبشب

ومحطفتى فى جيبى

قالولى يعنى محافظنا وقعت وانته لاه

قللهم لا مهو انا الجيب صغير شويه فحاطط محفظتى ف جيب لوحده وحطيت محافظكم فى جيب تانى


طبعا لم اعرف ماذا يجرى كل اللى اعرفه انى كنت بجرى وهما بيجروا ورايا

وفى النهايه وجت نفسى غرقان فى الميه لانهم زقونى الوحشين منعدمين القلب ووقعت فى البحر
واتبلت الهدوم