انا هتكلم فى الجزء اللى اقدر اقول فيه رائ بصفتى ولد واترك الجانب الاخر لاخواتنا البنات ليطرحوا وجهه نظرهم
بالنسبه لجانب الولاد والشباب اللى بيعاكسوا
دعنى اقفز مباشره الى السبب
وهما مين اللى بيعاكسوا
هل الشاب الذى يعمل مثل
هل الشاب المرتبط
هل الشاب الناجح
بالطبع لا
انظروا الى طبيعه الشباب الذين يقفون على النواصى ويعاكسون البنات الا تروا انهم الشباب الذى فات منهم قطار النجاح وبدل من ان يسعوا للحاق بركبه استسهلوا العمليه بالاستسلام للفشل وما يترتب عنه من ضياع
عارفين المشكله الاكبر فى ايه
دلوقتى الشاب الفاشل اللى فى الطبقه الغنيه دول الروشين اللى يركبوا العربيات ويلفوا يعاكسوا فى البنات(دول مشكلتهم نوعيه التربيه واهتمام الاهل ونجاح الشخص نفسه فى حياته لانه لا يوجد نجاح مع روشنه او معاكسات)
يجى بقه شاب الطبقه المتوسطه او الفقيره (الذى فاته قطار النجاح) يرى انه من الاسهل الاستسلام للفشل ومن ثم ينظر الى الروشنه على انها الطريق الى التمتع فى الحياه (يعيش الحياه بالطول والعرض) والمعاكسات تنشا من تلك النوعيه من الشباب الذى لا اجد حل له الا زرع المكافحه والاصرار فى قلوبهم
الشباب دول اكيد فشلوا فى حاجه فى حياتهم
الفرق بينهم وبين الشاب الناجح ان الناجح اكيد فشل برضه بس كان عنده اصرار انه ينجح تانى ويحاول تانى (لدنيا مش هتقف على حاجه فشلت فيها)
اعرف انى يمكن خرجت عن اساس الموضوع ولكنى اردت القفز الى السبب لكل ده
مش عيب ان الولد او البنت يهتم بمظهره دا عادى
بس انه يكون مثلا بيهتم بمنظره او البنت بتهتم بمنظرها لهدف واحد بس وهوا جذب انتباه الطرف الاخر فهنا تكمن المشكله
موضوع نوع لبس الفتاه وهل يؤثر على المعاكسه ام لا
فبالطبع يؤثر ولكن لازم يتجمع العاملين بنت مش محترمه وولد مش محترم
فلو حدث ومرت فتاه مبهرجه فى لبسها وعدى جنبها ولد محترم مش هيحصل اى حاجه الطبيعى ان الولد المحترم مش هيعبرها لانه عارف ان النظره سهم من سهام الشيطان فما بالك بالمعاكسه
طب لو العكس ولد مش محترم واقف على ناصيه شارع وعدى من قدامه بنت لابسه لبس محترم تمر بهدوء دون ان يفعل شئ
لكن هات ولد من دول ومشى جنبه بنت من النوعيه الاولى هتلاقى الكلام بتاع المعاكسه اشتغل
هتقولوا ان البنات المحجبات ببتعاكس
ارد واقول انظروا الى طبيعه لبسهم وليس حجابهم