فكرة هايلة يا كريم وتم التثبيت
اما بالنسبة لسؤالك
اقتباس:
|
المشاركة الأصلية كتبت بواسطة كريم يتحدى الملل
وانا انشاء الله هسال اول سؤال
ايه حكم الدين فى الشحات
وحكم الدين فى الى بيدى فلوس لشحات مع انه عارف ان الشحات ده معاه فلوس ومرتاح ماديا وعارف
انه نصاب
|
طبعا التسول حرام اذا كان الانسان قادر على العمل والانفاق على نفسه
لان ربنا مديله صحة لازم يتعب ويشتغل ويعول نفسه واسرته
اما اذا كان غير قادر على العمل يبقى لازم الناس تساعده طبعا سواء بمال الزكاة او الصدقة
وبالنسبة للنقطة اللى بتتكلم عن اذا كان غنى او فقير فده شيء بيرجع للنية
لو انت تصدقت على واحد غنى وبيدعى الفقر يبقى انت اجرك محفوظ
لانك تصدقت لوجه الله ونيتك خير ومكنتش تعرف انه غنى
وهو حسابه عند ربنا بقى
والرسول صلى الله عليه وسلم قال
انما الاعمال بالنيات وانما لكل امريء ما نوى
صدق الكريم عليه الصلاة والسلام
اما اذا كنت تعرف يبقى الاولى انك تتصدق بمالك على من يستحقه ويحتاجه
وما اكثر الفقراء فى بلاد المسلمين
وما اكثر الملاجيء والايتام والمعاقين
والمرضى من محدودى الدخل
وكل دول اولى بالصدقة
وفقنا الله واياكم للاحسان ابتغاء وجهه الكريم
ويا ريت اكون قدرت اجاوب اجابة شافية عن سؤالك
ويا ريت كمان لو اى حد عنده اضافة يفيدنا فى الموضوع ده